श्रुति श्रेष्ठकोे नेतृत्वमा फोटो पत्रकार क्लबको नयाँ कार्यसमिती चयनपछिल्लो २४ घण्टामा ९५३ जनामा कोरोना भाइरस संक्रमण पुष्टि‘भारत प्रवासमा रहेका नेपाली नागरिकहरूलाई निर्वाचनमा मताधिकार दिनबाट वञ्चित नगरियोस’ भन्दै मूल प्रवाह अखिल भारत नेपाली एकता समाजले प्रधानमन्त्री देउवालाई बुझायो १२ बुँदे ज्ञापनपत्रIn honor of graduated Nepalese Embassy of Pakistan organized an Alumniनेपाल चेम्बर र महिला चेम्बरबाट सिनेटर अधिकारी र आयोग सदस्य ताम्राकार सम्मानितबागमती च्याम्पियनहिमाली जिल्लामा दसैँअघि अधिवेशनका कार्यक्रम गर्ने निर्णयचर्चित गायक प्रकाश कटुवालको शब्द एवम् संगित रहेको "सुन्तली" नामक गित सार्वजनिकमलेसियाको रोजगारीमा नेपाली श्रमिक जान पाउनेनेकपा एमाले केन्द्रीय कमिटी बैठक आज

बैद्धिक सनातन हिन्दू अधिराज्य स्थापनार्थ महाअभियानले ईन्द्र जात्राको अवसरमा प्रदर्शनमा उत्रेका बेला पक्राउ परेका बिना शर्त रिहाईको माग

न्यूजलाईन्स् मिडिया संवाददाता
प्रकाशित मिति : २९ भाद्र २०७६, आईतवार १७:३६

काठमाडौं, २९ भदौ । बैद्धिक सनातन हिन्दू अधिराज्य स्थापनार्थ महाअभियानले ईन्द्र जात्राको अवसरमा प्रदर्शनमा उत्रेका बेला पक्राउ परेका शिवसेना नेपालका अध्यक्ष अनिल बस्नेत (बाबा) लगायत मानव सेवक, रविन्द्र कार्की (डब्बु), कृष्णबहादुर खड्का, राजेश तामाङ, हरिनारायण प्रसाद शाह, रघुराज राजभण्डारी, नारायण अर्याल, पारुहाङ उजुमी राई, कर्णवीर बस्नेतको तत्काल बिना शर्त रिहाईको माग गरेको छ ।

आइतबार रिपोर्टर्स क्लब नेपालमा पत्रकार सम्मेलन गर्दै महाअभियानले यस्तो माग गरेको हो । महाअभियानले जारी गरेको विज्ञप्तीमा भनिएको छ,‘एकातर्फ सिंगो सरकार, सरकार प्रमुख आफैं संलग्न भई विदेशी धर्मको प्रचारमा संलग्न हुने,सरकार आफैं होलिवाईन विवरण गर्दै हिँड्ने, नेपालका देशभक्त दलित दाजुभाईहरुलाई खुलेआम धर्म परिवर्तन गर्न आह्वान गर्ने, पुर्व प्रधानमन्त्री बाबुराम भट्टराईलाई कारवाही गर्नुको सट्टा सम्मानित गर्ने अनि अर्कोतर्फ नेपालको संविधान प्रदत्त, विना हातहतियार, सभा सम्मेलन, शान्तिपूर्ण विरोध, नाराजुलुस गर्ने निहत्ता धर्म, संस्कृति रक्षकमाथि क्रुरता देखाउने यस भ्रष्ट सरकारको काम कारवाहीको बैदिक सनातन हिन्दू अधिराज्य स्थापनार्थ महाअभियान घोर भत्र्सना गर्दछ साथै गिरफ्तार गरिएका अभियान्ता, धर्मरक्षक तथा सर्वसाधरण माथि मुद्दा चलाउने जुन प्रपञ्च सुरु भएको छ । त्यसतर्फ हाम्रो गम्भिर ध्यानाकार्षण भएको छ । यदि सरकार तल्लो स्तरको षड्यन्त्रमा उत्रन्छ र पक्राउ परेका निर्दोष व्यक्तिहरुलाई तत्काल विनाशर्त रिहा गर्दैन भने त्यसबाट उत्पन्न हुने परिणामको लागि स्वयम राज्य जिम्मेवार हुनेछ ।’

महाअभियानले वैदिक सनातन धर्म र संस्कृति रक्षार्थको लागि काठमाडौं उपत्यकावासीको समर्थन र सहयोगले वर्तमान भ्रष्ट जग्गा माफिया सरकार घुडा टेक्न बाध्य भएको दाबी गरेको छ । विज्ञप्तीमा थप भनिएको छ,‘यो निकम्मा विदेशीको कठपुतली सरकार अर्को बहानामा पुनः धर्म, संस्कृति रक्षकहरुमाथि दमन गर्न खोज्दैछ । तसर्थ, मुलुकको धर्म, संस्कृति, संस्कार जोगाउन गिरफ्तार गरिएका सम्पूर्ण धर्म, संस्कृति रक्षकहरुको रिहाईको लागि हार्दिक अपिल गर्दछौं ।’

महाअभियानले नेपालका सांस्कृतिक पर्वमा हुने नेपाल सरकारको सहभागितालाई बहिष्कार गर्ने जनाएको छ । त्यस्तै, उपत्यकाको सभ्यता संस्कृति र संस्कार जोगाउन पनि एकताबद्ध हुन महाअभियानको अपिल छ ।

कार्यक्रममा बरिष्ठ राजनीतिक विश्लेषक डा. केबी रोकाया, बरिष्ठ अधिवक्ता विष्णु प्रसाद भट्टराई, बरिष्ठ पत्रकार अनिल योगी, विश्व हिन्दू महासंघ अन्तर्राष्ट्रियकी महासचिव अस्मिता भण्डारी, पूर्नउत्थान पार्टीका संयोजक शेखरजंग रायमाझीलगायतले पक्राउ परेकाहरुको तत्काल बिना शर्त रिहाईको माग गरेका थिए ।

बरिष्ठ अधिवक्ता विष्णु प्रसाद भट्टराईले राष्ट्रपति कुनै धार्मिक क्रियाकलापमा सहभागी हुने अधिकार नभएको बताए । उनले भने,‘धर्मको जर्गेनालाई जेल होईन, धर्ममाथि जथाभावी गर्नेलाई बरु जेल हाल्नुपर्छ ।’

भट्टराइले अफ्रिकी मुलुक कब्जा गर्न जादा टुटुले भनेको कुरा उल्लेख गरेका थिए । उनले यसरी सुनाए,‘गोरासंग बहुदल छ, अफ्रिकीसंग जमिन अफ्रिकीलाइ आखा चिलीभन्दा अफ्रिकीको हातमा बाइबल र गोराको हातमा जमिन भएको थियो । यो सम्बोधनबाट सुरु गर्दै संबिधानमा धर्मनिरपेक्ष लेखिएको छैन । र, विद्यादेवीजी को धर्म होला केपी ओलीजीको धर्म होला तर प्रधानमन्त्री, राष्ट्रपतिको धर्म हुदैन् । उनीहरु देशको हुन् ।’

भट्टराईले वर्तमान सरकारलाई राष्ट्रघातीको संज्ञा दिए । उनले राप्रपाका अध्यक्ष कमल थापासमेत यी नेताहरुको प्रबक्ता भएर निस्केको आरोप लगाए । उनले भने,‘त्यही भएर आज गाइ मर्दापनि उनी बोलेनन् ।’

त्यस्तै, डा. केबी रोकायाले यसरी पक्राउ गर्नु संविधानको उल्लंघन भएको प्रतिक्रिया दिए । उनले भने,‘उहाँहरुलाई बिना शर्त रिहाई गर्नुपर्छ । कोही चिया पिउँदै गरेकाहरु पक्राउ परेका छन् । यो अलोकतान्त्रिक कुरा हो ।’ सरकारको यो कदमले मानवअधिकारको हनन भएको उनको गुनासो छ । उनले भने,‘कालो झण्डा देखाउँदा सरकारले आतंककारी व्यवहार देखायो ।’

कार्यक्रममा किशोरी महतोले आफू सधैं राजसंस्थाको पक्षमा रहेको सुनाउँदै यसको पूर्नस्थापनाको लागि सधैं लड्ने प्रतिबद्धता जनाए । उनले भने,‘राजसंस्था पूर्नस्थापनाको लागि म सरकारसित लड्न चाहन्छु।’

विश्व हिन्दू महासंघ अन्तर्राष्ट्रियकी महासचिव अस्मिता भण्डारीले पनि पक्राउ परेकाहरुको बिना शर्त रिहाईको माग गरिन् । उनले ८३ प्रतिशत ओमकार परिवार अब आन्दोलनमा होमिने पनि चेतावनी दिईन् । भण्डारीले वर्तमान सरकारलाई राष्ट्रघातीको संज्ञा दिँदै सरकारले अभद्र ब्यबहार गरेको आरोप लगाईन् । उनले भनिन्,‘हिरासतमा रहेको व्यक्तिहरुलाई तुरुन्तै बिना शर्त निकाल्नु पर्छ । प्रहरीले चिया खान जम भनेर लिएर गएका मान्छेहरुलाई हिरासतमा हालिएको छ । यो एकदम अभद्र ब्यबहार हो ।’
उनले सरकारसँग हिम्मत भए सबै हिन्दूहरुलाई समातेर देखाउन चूनौति दिएकी छिन् । उनले भनिन्,‘यो होली वाईन खाएको सरकार हो, हाम्रो रास्ट्रपति संबैधानिक हुन, उनी कार्यकारी हैनन् । हामीले हाम्रो धर्मको रक्षाकाको लागि बिरोध गर्न पाउछौ । उनले प्रहरी प्रशासनलाई पनि आफ्नो मर्यादा र आचरणमा बस्न चेताबनी दिएकी छिन् ।

सामाजिक अभियन्ता अनिल कुमार योगीले धर्मनिरपेक्षता बनाउदा मुलुकलाई के उपलब्धि हुन्छ ? भन्दै प्रश्न गरे । उनले भने,‘राजसंथा हटाएपछि के परिबर्तन भएको छ । जनताले राजसंस्था र हिन्दुधर्म असल नेपालीको चाहना हो, हामीलाई राजसंस्था चाहिन्छ । राजसंस्थाको अभिभाबकद्वारा देश चलाउन र नेतृत्व गर्नुपर्ने आवश्यक छ ।’उनले नेपालका नेताहरु अयोग्य भएको पनि दाबी गरे । उनले मुलुकमा राजसंस्था भए अहिलेकोजस्तो लाजमर्दो अवस्था नहुने जिकिर गरे ।
पूर्नउत्थान पार्टीका संयोजक शेखरजंग रायमाझीले वर्तमान सरकारले एकदम दमनकारी कदम चालेको भन्दै विरोध गरे । पक्राउ परेका आफ्ना साथीहरुलाई तत्काल रिहाईको गरे ।
शिव सेना नेपालका बरिष्ठ नेता बिक्रम बमले पनि पक्राउ परेकाहरुको रिहाईको माग गरे । उनले अहिलेपनि व्यवस्थामात्रै बदलिएको तर नियत नबदलिएको जिकिर गरे । शिवसेना नेपालका सह–संयोजक दिनेश कँडेल, शिवसेना नेपालकी सचिव सिर्जना वाग्ले र नगेन्द्र देउजाले पनि आ–आफ्नो धारणा राखेका थिए ।

समचार तस्बिर रिपोर्टस क्लब बाट

फेसबुक प्रतिक्रिया
सम्बन्धित शीर्षकहरु