जापान ।गैर आवासीय नेपाली संघको नवौ विश्व सम्मेलनमा जापानबाट किरण बिक्रम थापाले उपाध्यक्षमा उम्मेदवारी घोषणा गर्नुभएको छ । एनआरएनए एसिया प्याशिफिकको क्षेत्रीय संयोजक रहनु भएको थापाले आइसिसी उपाध्यक्षमा उम्मेदवारी घोषणा गर्नुभएको हो । एनआरएनको विश्व सम्मेलन आगामी अक्टोवर १५ देखि १७ तारिखसम्म काठमाडौंमा हुँदैछ । एनआरएनएमा ‘संस्थागत निरन्तरता र कामप्रतिको दृढता’ को लागि आफनो उम्मेदवारी भएको थापाले बताउनुभयो । थापाले एनआरएनमा धेरै बोलेर भन्दा पनि काम गरेर देखाउन आवश्यक भएको बताउनुभयो । संस्थामा बुलन्त हुने किसिमको आवाज उठाउन र कामलाई उच्च स्थानमा पुर्याउन अगाडि बढ्ने थापाले बताउनुभयो ।
एनआरएनको स्थापनाकालदेखि नै संस्थामा आबद्ध रहनु भएको थापा २००३ देखि २००५ सम्म एनआरएनए एनसिसी जापानको कार्यसमिति सदस्य, २००७ देखि २०११ सम्म लगातार दुई कार्यकाल आइसिसी सदस्य, २०११ देखि २०१३ मा एनआरएनए एसिया प्याशिफिक ( डिआरसी) सहसंयोजक, २०१३ देखि २०१५ कार्यकालमा एनआरएनए एसिया प्याशिफिक (आरसी) संयोजक पदको प्रतिस्पर्धी र एनआरएनए एनसिसी जापानको सल्लाहकार, २०१५ देखि २०१७ र २०१७ देखि २०१९ सम्म गरि दुई कार्यकाल लगातार एनआरएनए एसिया प्याशिफिक क्षेत्रको संयोजक (आरसी) को जिम्मेवारी निर्वाह गरिसक्नु भएको छ ।
