
भक्तपुर- नेपाल मजदुर किसान पार्टीले आफ्नो ७ ओै महाधिवेशनकाे उद्घाटन सत्रमा बालबालिकाको प्रयोग गरेको छ । भक्तपुर जिल्लामा अध्ययनरत विद्यार्थीहरुलाई पार्टीले प्रयोग गरेको हो । उनीहरुलाई गाडी सहित विद्यालयकाे पाेशाकमा झिकाइ पार्टीकाे झण्डा, क्याप, टिसर्ट लगाएर नारा बाजिमा उतारिएको थियो । बालबालिकाहरुलाई कुनै पनि राजनीतिक दलकाे कार्यक्रमहरुमा प्रयाेग गर्न पाईदैन । बिद्यालय र बालबालिकाहरुलाई शान्ति क्षेत्रका रुप लिईनुपर्ने विश्वब्यापी मान्यता छ । यसै अनुरुप नेपालका सम्पुर्ण राजनीति दलहरुले प्रतिबद्धता ब्यक्त गर्दै आएका मात्रै होईन हस्ताक्षर समेत गरेका छन । तथापी नेमकिपाले राजनितिक दलकाे आचार संहिता, नेपालकाे संविधानमा उल्लेख भएकाे बालबालिका सम्बन्धि हक, र बालबालिका सम्बन्धि ऐन – २०७५ काे भावनालाई कुल्चेको छ । यस प्रकारका क्रित्यलाई बालबालिकाहरुकाे चरम दुरुपयोगको रुपमा लिने गरिन्छ । भविष्यका कर्णाधार वर्तमानका साझेदार मानिने अबाेध बालबालिकाहरुलाई प्रयाेग गरिएकाे विषयमा भक्तपुरका बालअधिकारकर्मीहरुले ध्यानाकर्षण गराएका छन् ।


