• खसि एक परिकार अनेक

    न्यूजलाईन्स् मिडिया संवाददाता
    प्रकाशित मिति : १८ आश्विन २०७६, शनिबार १४:१०

    सर्बप्रथम हाम्रो घर दैलोमा आउदै गरेको हामी हिन्दुहरुको महान चाड बडा दशैँको उपलक्ष्यमा सम्पूर्ण नेपालीहरुमा हार्दिक मंगलमाय शुभकामना दिन चाहान्छु । हामी हिन्दुहरुले मनाउने हरेक चाडपर्ब मध्येको एक महान चाड हो बडा दशैँ । अहिलेको परिबर्तन र सिर्जनसिल समयमा मानिसहरुले धेरै कुरामा आफुले आफुलाई परिबर्तन गरिसकेको छ यस्तै हरेक चाड पर्ब पनि समय अनुसार र आफ्नो परिबर्तन संगै आफ्नो आफ्नो तरिकाले चाड पर्ब मनाउन पनि थालिसकेको छ । कतिपय कुराहरुमा त बडा दसैँ मनाउनमा पनि आफुले आफुलाई परिबर्तन गरिसकेको छ तरपनि हामी नेपालीमा एउटा छाप हाम्रा पुस्ताले छाडेको छ त्यो छाप सम्झदा पनि रमाइलो र आनन्द लाग्छ ।
    अहिलेको समयमा हामीले जतिखेर जे चाहियो तेतिखेरै उपलब्ध गराउछौ तर पनि यो दशैमा नया लुगा लगाउने मिठो मिठो खानाहरु बनाएर खाने पिङ खेल्ने टिका लगाउने र अरुबेलामा चाँही कहिल्यै पनि नसम्झने जमरा यतिखेर चाही जमाराकै फुल कानमा लगाउने चलनले हाम्रो मनलाई अझै प्रफुल्ल बनाउछ ।

    अझै भन्ने हो भने सबैको घरमा सधै जसो मासु खाने गरेता पनि दसैमा भने सिंगो खसी ढालेर खानेको होडबाजी अहिले पनि छ । म अहिले यही खसीको कुरा गर्दै छु । सबैको घरमा खसी त काटिन्छ तर रमाइलो गर्न साथै खसीको मिठो परिकार खान भने हामी होटेल, रेस्टुरेन्ट धाउनु परेको छ । म आज हामी हिन्दुहरुको महान चाड बडा दसैँ हाम्रो घरको दैलोमा आइसकेको बेलामा घरमा काटिने खसीलाई घरमै बसेर घरपरिवार संगै रमाइलो गर्दै आफैले परिकार तयार गरी रमाइलो गर्ने रेसिपी पेस गर्दै छु ।

    एउटै खसीबाट धेरै परिकार
    १) खसीको सेकुवा
    २) खसीको तास
    ३) खसीको कसौडी कबाब
    ४) खसीको ग्रेभी मासु

    सारांशः सबै कुरा परिबर्तन भए जस्तै हाम्रो हरेक दिनको खान पान र कार्यशैली परिबर्तन भएकै कारण हामी सबैको शरीरको बनोट पनि परिवर्तन भएको छ त्यसैले म सबैलाई अनुरोध गर्दछु । परिकार मिठो भयो भन्दैमा हाम्रो शरीरलाई आवस्यक पर्ने खनिज पदार्थ भन्दा बढी भयो भने यसले हामीलाई हस्पिटलमा पनि पु¥याउन सक्छ त्यसैले आफ्नो स्वास्थको ख्याल गर्न म अनुरोध गर्दछु ।
    खसीको सेकुवा

    सामग्री :
    खसीको मासुको ५ के जी
    ९ ८,८ ग्रस्मको पिस गर्ने, छाला र हड्डी नराख्ने
    अदुवा र लसुनको पेस्ट ५ चम्चा
    तोरीको तेल ३५० मि लि
    सादा दहि ४०० ग्राम
    बेसारको धुलो ३ चम्चा
    जीराको धुलो ५ चम्चा
    धनीयाको धुलो ५ चम्चा
    रातो खुर्सानीको धुलो ४ चम्चा (स्वाद अनुसार)
    गरम मसला धुलो ३।५ चम्चा
    कागतीको रस १० चम्चा
    नुन आवस्यक अनुसार

    पकाउने बिधिः
    सबै समान तयार भएपछी एउटा सफा भाडामा राखेर राम्रोसंग हातले २ मिनेट जति मोल्ने यसरी मोल्दा सबै मसला राम्रोसंग मोलिनुको साथै मासुबाट मिठो बासना आउन थाल्छ । अब यो मासुलाई २ घण्टा जति फ्रीजमा राख्नु पर्छ यसरी राख्दा मासुलाई मसालाले पनि पकाउने काम गर्छ साथै मिठो पनि हुन्छ ।
    २ घण्टा पछी मासुलाई फलामको झिर मा १,१ गर्दै उन्नु र कोइला बाट बनेको आगोको ताप भन्दा २ इन्च माथिबाट सेकाउनु पर्छ यसरी मासुलाई फर्काइ फर्काइ १२ देखि १५ मिनेट सम्म सेकाएपछी मासु रातो भएपछी खसीको सेकुवा तयार हुन्छ ।
    मासु सेकाउदा खेरि धेरै कालो हुने गरि पनि नसकाउनु होला जसले स्वस्थ्यलाई बेफाइदा हुन्छ र कचोपनी नखानु होला ।

    खसीको तास
    खसीको सेकुवालाइ तयार बनेको मासुमा अदुवा र सुकेको खोर्सानीलाई खालमा थिचेर मिक्स गर्ने तासको लागि भने मासुको पिस अलि ठुलो हुनु पर्छ र अलि अलि हड्डी । छाला मिक्स गर्दामा पनि तास राम्रो हुन्छ ।
    सेकुवामा जस्तै २ घण्टा सम्म फ्रिजमा राखिसकेपछि तावामा थोरै तोरीको तेल राखेर मासुलाई फिजाएर स्लो हिटमा चलाउदै (डाम्ने), भुट्ने मासु रातो भएर भुटीएपछी तास तयार हुन्छ । हामीले तासलाई जे संगपनी खान सक्छौ ।

    खसीको कसौडी कबाब
    खसीको सेकुवाको लागि तयार बनाएको मासुलाई पित्तलको कसौडीमा राखी सानो तापमा चलाउदै भुट्ने जब मासुबाट तेल आउन थाल्छ माथिबाट कसौडीको मुखसंग मिल्ने थालले छोप्ने र थालमा पानि राख्ने । सानो तापको सहयोगमा मासुलाई नचलाइकन पकाई राख्ने जब ४५ मिनेट सम्ममा थालको पानी सुक्छ, थाललाई बाहिर निकाली मासुलाई बिस्तारै चलाउने र आगो निभाएर छोपेर राख्ने । कसौडी कबाब तयार भै सकेको छ अब तपाई आफ्नो परिवारसंग बसेर कसौडी कबाब् को मजा लिन सक्नु हुन्छ । कसौडी कबाबमा पनि पिस अलि ठुलो र छाला हड्डी सहितको मिक्स भयो भने खानलाई अझै मजा आउछ ।

    खसीको ग्रेभी मासु
    खसीको कसौडी कबाबलाई तयार गरेको १ के जी मासुमा १०० ग्राम सुकेको प्याज र १०० ग्राम गोल्भेडालाई मसिनो हुनेगरी काट्ने र मासुमै मिसाएर केहीबेर मोल्ने र अब कसौडी कबाब् पकाए जस्तै गरी मासुलाई भुट्ने मासुलाई सानोतापमा १० मिनेट भुटे पछी ७०० मिलिलिटर पानि राख्ने र १५ मिनेट उमाली राख्ने र जब मासु पाक्छ हरियो धनियालाई मसिनो गरि काटेर मासुमा मिक्स गर्ने । खसीको ग्रेभी मासुमा आवस्यक अनुसार नुन थप्न नभुल्नु होला । खसीको ग्रेभी तयार हुन्छ अब तपाइँ आफ्नो परिवारसंग बसेर खसीको ग्रेभिको मजा लिन सक्नु हुन्छ ।

    फेसबुक प्रतिक्रिया
    सम्बन्धित शीर्षकहरु