• आज विजयादशमी टीका प्रसाद ग्रहण गर्न साइत बिहान १०ः३५ बजे उत्तम

    न्यूजलाईन्स् मिडिया संवाददाता
    प्रकाशित मिति : २१ आश्विन २०७६, मंगलवार ०८:०१

    २१ असोज, काठमाडौं
    आज विजयादशमी । रातो टीका र समृद्धिको प्रतीक जमरा लगाएर मनाइँदैछ ।

    घटस्थापनाका दिन स्थापित घडाबाट अभिषेक गरी मान्यजनका हातबाट नवदुर्गाको प्रसादका रुपमा रातो टीका र जमरा लगाउने प्रचलन छ ।

    टीका प्रसाद ग्रहण गर्न साइत बिहान १०ः३५ बजे उत्तम रहेको नेपाल पञ्चाङ्ग निर्णायक समितिका अध्यक्ष प्रा डा. रामचन्द्र गौतमले जानकारी दिए । देवी विसर्जनको साइत बिहान ८ः४५ बजे रहेको छ ।

    विजयादशमी आफैंँमा शुभ दिन भएकाले आज टीका लगाउन सामान्य मानिसले साइत खोज्नु नपर्ने पनि उनले जानकारी दिए । आजदेखि पूर्णिमासम्म मान्यजनबाट टीका लगाउने गरिन्छ ।

    असत्यमाथि सत्य र आसुरीशक्तिमाथि दैवी शक्तिको विजयको प्रतीकका रुपमा मनाइने विजयादशमी बडादसैंकै सबैभन्दा महत्वपूर्ण दिन हो । त्रेता युगमा आजैका दिन भगवान् रामले असत्यको प्रतीक रावणमाथि विजय प्राप्त गरेकाले त्यही समयदेखि विजयादशमी मनाउन शुरु गरिएको धार्मिक विश्वास छ ।

    फेसबुक प्रतिक्रिया
    सम्बन्धित शीर्षकहरु