काठमाडौं ।गायक पूर्ण लिम्बुको “लालुपाते” बोलको गीत सार्वजनिक भएको छ । प्रेमकृष्ण बजगाईं र पूर्ण लिम्बुको शब्द रहेको उक्त गीतमा प्रेमकृष्ण बजगाईंको नै संगीत रहेको छ भने सिलाबहादुर मोक्तानको एरेंज रहेको छ । माया पिरती मनमा राखेर नाच्ने कुरा गरिएको उक्त गीतमा दुई दिनको जीवनमा भुल नगर्न भनिएको छ ।
पूर्ण लिम्बु, विल्सन बिक्रम राई ‘तक्मे बुढा’, श्याम राई, क्षितिज सुबेदी, शिव राज आचार्य , सरिता राजोपाध्याय लगायतको अभिनय रहेको उक्त गीतको भिडियो उत्सब दाहालले छायांकन गरेका हुन् । समाजमा रही आएका यथार्थ कुरालाई प्रस्तुत गरिएको उक्त गीतको भिडियोमा निकै राम्रो नृत्य देख्न सकिन्छ । मिलन चाम्सको निर्देशनमा तयार भएको गीतको भिडियोलाई संदेश शाहले सम्पादन गरेका हुन् ।
२०८१ मंसिर २६ - बुधबार
