काठमाडौ ।अस्ट्रेलियामा बसेर साहित्यमा साधनारत अच्युत आननले बासन्ति प्रेम नामक उपन्यास लिएर आएका छन् ।
राजाधानीको कुन्ज थिएटरमा आयोजित कार्यक्रममा प्रमुख अतिथि कुमार नगरकोटी , चर्चित नायक आर्यन सिग्देल , लेखनकुन्जका प्रमुख कमल ढकाल ,ब्यापारी एवम समाजसेवी राजा पराजुली लेखक ,समाजसेवी रामचन्द्र सिग्देल,अच्युत आनन ,लेखककी आमा ,गुरुआमा र खेलाडी एवम समाजसेवी डिएन घिसिङले संयुक्त विमोचन गर्नुभयो ।
कार्यक्रममा बिशेष अतिथि आर्यन सिग्देलले सिनेमा बन्न नसक्ने यो फिक्सनले बिशेष अर्थ राखेको बताउनु भयो । भन्नुभयो “यो आफैमा फिल्म जस्तै छ ।’पुस्तकबारे विवेचना गर्दै लेखनकुन्ज अध्यक्ष कमल ढकालले बासन्ति प्रेमले रोजा र राजेनको प्रेम यो धर्तिमा अमर राखेको मात्र नभई नेपाली साहित्यमा अद्धितिय छाप छाडेको बताउनु भयो । भन्नुभयो “भाषा शैली र विम्बको प्रयोगले प्रकृति र जीवनलाई अर्कै धारणामा छाडेको छ ।” लेखकको गुरुआमा जयन्ति पौडेलले शुभकामना ब्यक्त गर्दै आफुले बच्चामा पढाएको चेलाले आफैलाई बोलाएर पुस्तक लोकार्पण गराउदाको खुशी शब्दमा ब्यक्त गर्न नसकिने बताउनुभयो । लेखक अच्युत आननले आफुले कथाहरु लेखिरहने पहिलो पुस्तकको रुपमा बासन्ति प्रेम ल्याएको बताउदै भन्नुभयो “१२ बर्ष देखि मेरो मनभित्र र कपिमा रहेको रोजा र राजेन् आजदेखि पाठकको भएका छन्।”
प्रमुख अतिथि कुमार नगरकोटीले आफुले लेखकलाई प्रेम गरेकोले प्रेममा शब्द नहुने हुनाले आफु मन्चमा पनि नबस्ने र केही शब्द पनि नबोल्ने भन्दै दर्शक दीर्घामा बसेर पुस्तक लोकार्पणको लागि आतिथ्य ग्रहण गर्नु भएको थियो ।
