
काठमाडौं । आजबाट प्रतिक्षित बलिउड मल्टिस्टारर फिल्म “हाउसफूल ४” रिलिज भएको छ । रिलिजपछि ‘हाउसफूल ४’को रिलिज अगाडि भएको उत्साह घटेको छ । चाडको समयमा रिलिज भएकाले पनि फिल्मले बम्पर ओपनिङ गर्ने अपेक्षा गरिएको थियो तर, फिल्मको बुकिङ ३ दिनमा ६ करोडको पनि छैन । फिल्मले रिलिजसँगै खराब प्रतिक्रिया पाएको छ। ट्विटर प्रयोगकर्ताले नायक अक्षय कुमारले फिल्मलाई बचाउन कोशिश गरेपनि यसको कथावस्तु, प्रस्तुति, संगीत, पटकथाका कारण फिल्म खराब बनेको प्रतिक्रिया दिएका छन् । भारतका केही समिक्षकले समेत फिल्मलाई १ रेटिङ दिएका छन् ।
फिल्म फरहाद साम्जीले निर्देशन गरेका हुन् । फिल्म साजिद नाडियाडवालाको लगानीमा तयार भएको छ । फिल्ममा अक्षय कुमार, रितेश देशमुख, बबी देवल, कृती सेनन, पुजा हेग्डे, कृती खर्बन्दा लगायतको अभिनय रहेको छ । फिल्मका यसअघिका सिरिज हिट भएका छन् । भने यसपटक फिल्मलाई पूर्वजन्मसँग जोडिएको छ ।
Source: filmyfanda.com


