दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

शकिबलाई दुई वर्ष प्रतिबन्ध

न्यूजलाईन्स् मिडिया संवाददाता
प्रकाशित मिति : २०७६ कार्तिक १३ गते, बुधबार १९:०७

काठमाडौं–बङ्गलादेशका टेस्ट टोलीका कप्तान शकिब अल हसनलाई दुई वर्ष प्रतिबन्धको सजाय दिइएको छ । भ्रष्टाचारका लागि गरिएको प्रस्ताव रिपोर्ट नगरेको भन्दै उनलाई सो सजाय सुनाइएको हो । ३२ वर्षीय खेलाडीले ‘बेटिङका लागि भित्री सूचना’ मागबारे तीनवटा आरोपहरु स्वीकार गरेका छन् । सन् २०१८ को जनवरीमा श्रीलंका र जिम्बाव्वेबिरुद्धको त्रिदेशीय प्रतियोगिताका दौरानमा उनलाई अफर आएको थियो ।

शकिब अलराउण्डरहरुको एकदिवसीय खेलको वरियतामा शीर्ष स्थानमा रहेका छन् । उनले बङ्गलादेशका लागि ३३८ खेल खेलेका छन् । सन् २०१९ को क्रिकेट विश्वकपमा तेस्रो धेरै रन बनाएका थिए । जसक्रममा उनले २ शतक पनि हिर्काएका थिए । शकिबको एक वर्षको प्रतिबन्धलाई निलम्बन गरिएको छ । उनले सन् २०२० को २९ अक्टोबरपछि मैदानमा फर्कन पाउनेछन् । ‘मलाई आशा छ म चाँडै क्रिकेटमा फर्कने छु । म अझ सशक्त बन्नेछु र आफ्नो जिम्मेवारीलाई थप लगनका साथ पूरा गर्नेछु,’ उनले प्रतिबन्धको घोषणापछि भने ।

शकिबले अन्तर्राष्ट्रिय क्रिकेट काउन्सिलको भ्रष्टाचारबिरोधी युनिटलाई अफर आए पनि कुनै कारवाही नगरेको, कुनै सूचना नदिएको र कुनै रकम प्राप्त नगरेको बताए थिए । यद्यपि, त्यस्तो अफरबारे जानकारी नदिएको भन्दै शकिबलाई कारवाही गरिएको छ । अब उनको स्थानमा मोनिमुल हकले टेस्ट टोलीको कप्तानी सम्हानेछन् भने टी–२० को कप्तानी मोहमदुल्लाले निभाउनेछन् । यता, प्रधानमन्त्री शेख हसिनाले शकिबप्रति समर्थन जनाउँदै उनले गल्ती गरेको तर, साथै आफूले महसुस पनि गरेको प्रतिक्रिया दिएकी छिन् ।

साैजन्यः जनसवाल दैनिक

फेसबुक प्रतिक्रिया
सम्बन्धित शीर्षकहरु