काठमाडौं ।निर्देशक साम्तेन भुटिया निर्देशित फिल्म ‘सुस्केरा’ पौष १८ गतेबाट अल नेपाल रिलिज हुने भएको छ । फिल्म सुस्केराको छायाँकन तिन वर्ष अगाडी नै सकिएको थियो तर केही प्राविधिक कारणले गर्दा फिल्म रिलिजमा ढिलाई भएको फिल्म निर्माण युनिटले जानकारी गराएक छन् । फिल्ममा सुरक्षा पन्त र स्वरूप पुरुष ढकालको मुख्य भूमिका रहेको छ ।
फिल्मलाई एसपी ढकाल र सिके ढकालले निर्माण गरेका हुन् । फिल्ममा साम्तेनकै लेखन रहेको छ । फिल्ममा सुरक्षा र स्वरूपको अलावा मिथिला शर्मा, शिशिर बाङ्देल, सिद्धार्थ उपाध्याय लगायतका कलाकारहरुको अभिनय रहेको छ । प्रेमकथामा आधारित फिल्मलाई काठमाडौंमा करण क्रेजी श्रेष्ठको रीच इन्टरटेन्मेन्ट र मोफसलमा एफडी कम्पनिले वितरण गर्नेछ ।
