बैंकक, १६ औं एशिया प्रशान्त क्षेत्रीय स्वयंसेवक सम्मेलन यही नोभेम्बर ११–१५ २०१९ मा थाइल्यान्डको बैंककमा सफतापुर्वक सम्पन्न भएको छ । सम्मेलनको उद्देश्य नागरिक समाज, सरकारी क्षेत्र, निगम, गैर सरकारी संस्था र शैक्षिक संस्थाहरुलाई एकै ठाउँ ल्याउनु रहेको थियो ।
यस बर्षको मुल नारा अनलकिगं द पावर अफ भोलेन्टियरिंग –रहेको थियो ।जसको अन्तर्य स्वयंसेवकको संस्कृति, क्षमता र सक्षम वातावरण सिर्जना गर्न सबै संभावनाहरुलाई एकै ठाउँमा ल्याउने र स्वयम्सेवाको माध्यमबाट अवसरहरुको पहँुचमा सुधार गर्ने रहेको थियो । सम्मेलनले केवल नेटवङ्कि कार्यलाई प्रोत्साहन गर्ने मात्र नभई स्वसंसेवाको शक्ति पत्ता लगाउन र सुदृढ पार्न पनि अवसर प्रदान गर्छ भन्ने कुरामा जोड दिएको थियो ।
यस कार्यक्रमको उद्घाटन आईएभिईका अन्तराष्टिय अध्यक्ष काईले बेट्स् र थाईल्याण्ड स्थित सामाजिक सुरक्षा तथा मानव सुरक्षा मन्त्री चुती क्रईरिसले गरेको थिए भने यस कार्यक्रमको समापन आईएभिईकाका कार्यकारी निर्देशक निकोल गरेका थिए । सम्मेलनमा एशिया प्रशान्त क्षेत्रका २८ देशका ४०० जना स्वयंसेवक सहभागी थिए ।
उक्त सम्मेलनमा नेपालको तर्फबाट कल्याणकारी स्वयंम्सेवक संघ नेपालले प्रतिनिधित्व गरेको थियो । संस्थाका अध्यक्ष अक्कल तामाङले नेपाली टोलीको नेतृत्व गरेका थिए । टोली नेता तामाङले नेपाली स्वयम्सेवकहरुले आर्थिक समृद्घीको लागि युवा स्वयम्सेवीको महत्वमा जोड दिदै विभिन्न छलफलमा भाग लिएको बताए ।
२०८१ माघ १ - मंगलवार
