साधना लघुवित्तको धितो कर्जा ब्यवस्थापन तालिम सम्पन्न ।धादिङ अस्पतालमा अक्सिजन प्लान्टको उद्घाटनमिस्टर एण्ड मिस प्यासेफिक २०२१’ को उपाधी राजु साह र निकिता चौहानको हातमावल्र्ड स्कुल स्पोर्ट्स टोली फर्कियोसनिललाई सफलतापछिल्लो २४ घन्टामा देशभर १ हजार ९५ जना संक्रमित थपिएबलिउडकी चर्चित अभिनेत्री ऐश्वर्या राय चाडै नै तमिल फिल्म ‘पोन्नियिल सेवलन’ मा देखिदैनेप्सेमा आज भारी अंकले गिरावटनेपाल राष्ट्र बैङ्कले आजदेखि दशैं/तिहारका लागि नयाँ नोटको वितरण सुरुजन्म भूमि पर्वतबाट एनआरएनए को दसौं अन्तराष्ट्रिय महाधिवेशनमा कुल आचार्यले अध्यक्ष पदमा उमेद्वारी घोषणा

नेपाल नागरिक समाजले भ्रष्टाचारविरोधी देशव्यापी आन्दोलन गर्ने घोषणा

न्यूजलाईन्स् मिडिया संवाददाता
प्रकाशित मिति : १३ मंसिर २०७६, शुक्रबार १८:१३

काठमाडौं, १३ मंसिर । नेपाल नागरिक समाजले भ्रष्टाचारविरोधी देशव्यापी आन्दोलन गर्ने घोषणा गरेको छ । रिपोर्टर्स क्लब नेपालमा शुक्रबार पत्रकार सम्मेलन गरी भ्रष्टाचारविरोधी आन्दोलनको घोषणा गरेको हो ।

कार्यक्रममा बोल्दै समाजका अध्यक्ष भीमबहादुर शाहीले आगामी दिनमा ‘भ्रष्टाचारविरोधी आन्दोलन’ देशव्यापी रुपमा शुरु गर्ने बताए । आन्दोलन तीन चरणमा विभाजित गरिएको उनको भनाई थियो । पहिलो चरणमा प्रचार, दोस्रो चरणमा खबरदारी र तेस्रो चरणमा कारबाही आन्दोलन हुने जानकारी दिए ।

आन्दोलनको मुख्य सिद्धान्त सत्य, अहिंसा, शान्ति, सहभागिता र पारदर्शीता रहने पनि प्रष्ट पारे । उनले भने, ‘यो आन्दोलन सम्पूर्ण नागरिकहरुको आन्दोलन भएकाले आगामी दिनमा कुनै पनि विभेद र प्रतिशोध नराखी आ–आफ्नो स्तर र क्षत्रबाट सहयोग र सहभागिताको आवह्वान गर्दछु ।’

शाहीले आफ्नै विधि, विधान र कार्यशैलीमा आन्दोलनलाई देशव्यापी बनाएर लैजाने तयारी पूरा भएको जानकारी दिए । उनले भने–अब देशव्यापी रुपमा भ्रष्टाचार विरोधी आन्दोलन अगाडि बढाउँछौं ।

२०७३ भदौ ५ गते बाँके जिल्लाको कोहलपुरमा समाजको स्थापना भएको उल्लेख गर्दै भ्रष्टाचारविरुद्ध भूमिका निभाउँदै आएको बताए । आगामी दिनमा भूमिकालाई अझ प्रभावकारी बनाउँदै भ्रष्टाचार विरोधी आन्दोलनलाई निरन्तर अगाडि बढाउन सम्पूर्ण नागरिकहरुलाई आह्वान गरे ।

फेसबुक प्रतिक्रिया
सम्बन्धित शीर्षकहरु