दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

अरवौको देवीदेवताको श्रीसम्पत्ति हाम्रो पार्टीले खोजतलास गर्छ : अध्यक्ष कार्की

न्यूजलाईन्स् मिडिया संवाददाता
प्रकाशित मिति : २०७६ मंसिर २६ गते, बिहीबार १६:४६

काठमाडौं, २६ मंसिर । सत्य विश्व भूमी पार्टी नेपाल घोषण गरिएको छ । बिहीबार रिपोर्टर्स क्लब नेपालमा पत्रकार सम्मेलन गर्दै विश्व भूमी भक्त गुरु होम बहादुर कार्कीको नेतृत्वमा उक्त पार्टीको घोषणा गरिएको हो ।

‘सरकारले जनतामाथि लगाएको दोहोरो कर खारेजी’ गर्नुपर्ने मुख्य उद्देश्य राखेर आफूहरुले नयाँ पार्टी जन्माएको कार्कीले जानकारी दिए । त्यस्तै, अरवौं रुपैयाँको देवीदेवताको श्रीसम्पत्ति पनि आफ्नो पार्टीले खोजतलास गर्ने कार्कीले स्पष्ट पारे ।

उक्त पार्टीले अघि सारेका तत्कालिन् उद्देश्यहरुमा देवताहरुको श्रीसम्पत्ति साथै भृेटी खजनाहरुको खोजतलास गर्न सरकारलाई दबाब दिने, विश्व जगतमा देव भूमीबाट विजुली निकालिएको अन्य मुलुकमा आपुर्ति गरेको विरोध जनाईने, निजी विद्यालय, कलेजमा ३७५ भन्दा माथि शुल्क लिएको थाहा पाएमा खारेज गर्नुपर्ने, एम.बि.बि.एस पढ्न दुई लाख ५० हजार भन्दा बढि रकम लिएमा त्यस्ता शिक्षण संस्थाहरु स्वतः खारेज गर्नुपर्ने, जग्गा खरिद बिक्रीमा सरकारले लिँदै आएको दोहोरो कर खारेज गर्नुपर्ने, बृद्धाभत्ता बढाएर ७ हजार पुर्याउनुपर्ने, रोजगारी दिन नसके युवा वर्गलाई मासिक ७ हजार बेरोजगार भक्ता दिनुपर्ने, एकल महिलालाई मासिक ५ हजार ५ सय पुर्याउनुपर्ने, उद्योग व्यवसायमाथि लगाउँदै आएको करमा ५० प्रतिशत छुट दिनुपर्ने, सरकारी कर्मचारीहरुले आफ्ना बच्चाहरुलाई सामूदायिक विद्यालयमा अनिवार्य रुपमा पढाउनुपर्ने, गौमाताको हत्या गर्नेलाई जन्मकैद हुनुपर्ने, हरेक पुस्तकमा सरस्वती माताको बन्धना अनिवार्य रुपमा समावेश गरिनुपर्नेलगायत रहेका छन् ।

नवघोषित पार्टीका अध्यक्ष कार्कीले हरेक सरकारी कार्यालयहरुमा जलगंगाको तस्विर राख्नुपर्ने आफूहरुको अर्को महत्वपूर्ण उद्देश्य रहेको सुनाए । उनले भने,‘सरकारी कार्यालयमा व्यक्तिको फोटो टाँस्न मनाही छ ।’ उनले घरवार त्यागेर हिँडेका साधुसन्तहरुलाई सरकारले नै खान, बस्नको लागि उचित बन्दोवस्त गर्नुपर्ने माग राखे ।

त्यस्तै, कुनैपनि कार्यालयमा ७ वर्ष लगातार काम गरेको व्यक्तिलाई स्वतः स्थायी गरिनुपर्ने उनको भनाई छ । र, कर छली गर्ने उद्योग तथा व्यवसायीहरुको लाईसेन्स नै खारेज गर्नुपर्नेृ उनको माग छ । उनले नेपाली धर्म र संस्कृति झल्किने खालका टेलिफिल्महरुको निर्माण गर्नुपर्नेमा पनि जोड दिए । उक्त पार्टीमा ७ जनाको कार्यसमिति रहनेछ । जसमा कार्कीले अध्यक्षको जिम्मेवारी वहन गर्नेछन् भने कार्यसमितका बाँकी सदस्यहरु छिट्टै चयन गरिने उनले जनाए ।

फेसबुक प्रतिक्रिया
सम्बन्धित शीर्षकहरु