दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

ज्यूदो छ मान्छे कहाँ?

न्यूजलाईन्स् मिडिया संवाददाता
प्रकाशित मिति : २०७६ पुष १५ गते, मंगलवार १५:५६

ज्यूदो छ मान्छे कहाँ?

छन्द-शार्दुलविक्रीडित

जस्ले पोख्छ सधैं सिंचेर पसिना भोकै तिनै मर्दछन्
उल्फाको धनमा डकार जसको राजा उनै बन्दछन्
रोगीमा अझ रोग बढ्छ किन हो भेट्दा ठुला डाक्टर
पैसाको भुमरी सबैतिर यहाँ मान्छे कहाँ बस्छर?

द्यौता मन्दिरमा लुकेर किन हो झन् मग्नमा बस्दछन्
सेता वस्त्र भिरेर पण्डितहरू भेटी तिरै मस्तछन्
कालो कोट लगाउने वकिलले फोक्सो चिथोर्ने यहाँ
ज्यूँदो लास नयाँ भयो शहर यो बस्दैन मान्छे जहाँ।।

लेखिन्छन् कविता जुठा कलमले दुष्कर्म भुल्ने गरि
देखिन्छन् रमिता झुठा भजनका सर्वाङ्ग खुल्ने गरि
आशाको मसिनो धजा मखमली पासो बनेको यहाँ
लासैलास जताततै शहरमा ज्यूँदो छ मान्छे कहाँ ?

सासै फेर्न कठोर यो शहरमा खाली कतै देख्दिन
सुख्खा ओठ भिजाउने जल यहाँ खोज्दा कतै भेट्दिन
बाटो छैन जताततै छ धुइरो हल्ली र खल्ली यहाँ
बस्ने आँट भएन यो बगरमा भेटिन्न मान्छे जहाँ।।

क्रमशः

शम्भु गजुरेल
नुवाकोट

फेसबुक प्रतिक्रिया
सम्बन्धित शीर्षकहरु