
काठमाडौ ।आइतबार शेयर सूचकले छलाङ मारेको छ। आज १६.९ अंकले बढेर सूचक ११८२.३१ अंकमा रोकिएको छ। यस्तै, ठूला कम्पनीको कारोबार मापन गर्ने सेन्सेटिभ सूचक ३.५१ अंकले बढेर २५५.६९ अंकमा पुगेको छ।
१ सय ७३ कम्पनीको कारोबार भएको आज २० लाख ८२ हजार कित्ता शेयर किनबेच हुदाँ ७१ करोड २३ लाख ३५ हजार रुपैयाँ बराबरको कारोबार भएको हो।
दोहोरो अंकले सूचक बढ्दा सबै उपसूचक बढेका छन्।
आज सबैभन्दा बढी जीवन बीमाको शेयर ८३.६८ अंकले बढ्दा निर्जीवन बीमाको शेयर ५९.२९ अंकले बढ्यो। यस्तै, माइक्रोफाइनान्स ४०.२४, विकास बैंक १९.३६, तथा बैंकिङ उपसूचकको शेयर १६.७४ अंकले बढ्यो।
कारोबार रकमको हिसाबले आज शिवम् सिमेन्ट सबैभन्दा माथी देखियो।
शिवम् सिमेन्टको आइतबार ५ करोड ६२ लाख २७ हजारको कारोबार हुदाँ एनआइसिएशिया बैंकको शेयर ४ करोड ३४ लाखको कारोबार भयो।
यस्तै, ग्रामिण विकास लघुवित्त वित्तीय संस्थाको शेयर ४ करोड २१ लाखको कारोबार हुदाँ नेपाल लाइफ इन्सुरेन्स, हिमालयन डिस्टिलरी लिमिटेडको शेयर २ करोड भन्दा बढीको कारोबार भयो।
साताको पहिलो दिन सबैभन्दा बढी नाफा कमाउनेमा ओमी माइक्रोफाइनान्स वित्तीय संस्थाका लगानीकर्ताले कमाएका छन्। सबैभन्दा बढी गुमाउनेमा भने नेपाल फाइनान्स लिमिटेडका लगानीकर्ता छन्।


