
काठमाडौँ – चलचित्र ‘लक्का जवान’को शीर्ष गीत बुधबार सार्वजनिक भएको छ । भिडियोमा डान्सिङ नम्बरमा आधा दर्जनबढि कलाकारले नृत्य गरेका छन् भने गीतको कोरियोग्राफी कविराज गहतराजले गरेका हुन् ।
गीतमा कलाकारहरु सरोज खनाल, दीलिप रायमाझी, प्रियंका कार्की, निर्देशक पौड्यालसँगै वर्षा शिवाकोटी, किरण केसी, राजाराम पौडेल, जयनन्द लामा लगायत फिचर्ड छन् । गीतमा स्वर मिना निरौला र बबुल गिरीको छ भने संगीत बबुलकै रहँदा शब्द डिपी खनालको छ ।
शिवहरी पौड्यालको निर्देशन रहेको चलचित्र चैत्र २१ प्रदर्शनमा आउनेछ भने चलचित्रको कथा पनि निर्देशक पौड्यालको नै हो । मित्र डि. गुरुङ यो चलचित्रको सम्पादकमा छन् भने छायाँकन पुरुषोत्तम प्रधानको छ ।


