
काठमाडौ । नेपाल एशोसिएसन अफ टुर एण्ड ट्राभल एजेन्ट (नाट्टा) को निर्वाचनमा ठुलो प्रतिस्पर्धा हुने भएको छ। नाट्टामा नयाँ नेतृत्वका चयनका लागि तीन समूह चुनावी मैदानमा होमिएका छन् ।
भीम प्रसाद पन्त, अच्युत गुरागाई र मिहीका शाह धाख्वा प्यानलहरु रहेका छन् । अन्य प्यानल भन्दा फरक र बलिया प्यानलको रुपमा मिहीका शाह धाख्वा नेतृत्वको स्वतन्त्र प्यानल आइतबार घोषणा भएको छ ।
मिहीकाको प्यानलबाट वरिष्ठ उपाध्यक्ष नारायण गुरुङ कोने, उपाध्यक्ष रमेश थापा, महासचिव कमला गुरुङ, सचिव अमृत कुमार ढकाल र कोषाध्यक्ष देवकी गुरुङ, सह कोषाध्यक्ष फुडोमा शेर्पा उम्मेदवार भएका छन् । सदस्यहरुमा विष्णु बस्नेत, विजय राई, सुजिता गजमेर रसाइली, श्रृजना महर्जन, सागर अधिकारी, राजकुमार देवकोटा, भरत जंग पाण्डे र सुवास महर्जन उम्मेदवार रहेका छन् ।
जेनिथ एक्स्पिरियन्सेज ट्राभल सर्भिसका प्रबन्ध निर्देशक मिहिका सन् २०१४–०१६ को कार्यकालमा नाट्टाको महासचिव भएकी थिइन । ट्राभल लाइटका प्रवन्ध निर्देशक कमला गुरुङ पर्यटन व्यवसायी संघ, नेपाल जीटीनका निवर्तमान अध्यक्ष समेत हुन् । उनी नाट्टाका पूर्व केन्द्रीय सदस्य पनि हुन् ।
नाट्टाको निर्वाचन आगामी माघ ३ गते काठमाडौंमा हुँदैछ । निर्वाचनमा ४ सय ४८ मतदाताले मतदान गर्ने छन् ।
स्वतन्त्र टोलीको उम्मेद्वारी स्वतन्त्र टोलिको यस्तो छ चुनावी एजेन्डा
‘हामीले नाट्टामा सक्षम नेतृत्वका लागि सबै मिलेर जाऔं भनेका हौं । त्यसका लागि हामीले अन्तिम समयसम्म पनि प्रयास ग¥यौं तर हाम्रो प्रस्तावमा सबै सहमत हुन सक्नुभएन’, अध्यक्ष पदका प्रत्यासी मिहीकाले भनिन्, ‘हामी आफै पनि सक्षम छौं । सहमती नबन्दा हामी आफै किन अघि नबढ्ने भन्ने कुरा आयो । त्यसैले नाट्टाको नयाँ नेतृत्वका लागि हामीले स्वतन्त्र प्यानलको घोषणा गरेका हौं ।



