
काठमाडौं । विश्वकै होचा व्यक्तिको रुपमा विश्व कीर्तिमान राखेका बाग्लुङको धुल्लुवासकोटका खगेन्द्र थापामगरको शुक्रबार मृत्यु भएको छ ।
विश्वकै होचा व्यक्तिको रुपमा २०६७ असोज २८ मा गिनिज बुक अफ दि वर्ल्ड रेकर्डसमा नाम लेखाउन सफल खगेन्द्रको पोखरामा उपचारका क्रममा २८ वर्षको उमेरमा मृत्यु भएको हो ।
उनले चाइनाका पीङपीङको रेकर्ड तोड्दै ८ महिना विश्वकै होचा व्यक्तिको कीर्तिमान राखेका थिए ।
स्वास्थ्यमा समस्या आएपछि पोखरामा मणिपाल शिक्षण अस्पतालमा बिहीबारदेखि उपचार गराइरहेका थापाको निमोनियाका कारण आज दिउँसो मृत्यु भएको जनाईएको छ ।
२२ दशमलव ०४ इन्च उचाइ रहेका थापाले १८ वर्षको उमेमा विश्व रेकर्ड कायम गरेका थिए ।


