
काठमाडौँ । धादिङमा ढोलामण्डलीको दर्शन गरेर फर्किएका यात्रु बोकेको ट्रक दुर्घटना हुँदा ६ जनाको मृत्यु भएको छ।
मंगलबार धादिङको ज्वालामुखी गाउँपालिका ४ धादिङबेसी फर्किदै गरेको ट्रक निलकण्ठ नगरपालिका ९ मैलीभञ्ज्याङमा सडकमै पल्टिएको जिल्ला अस्पताल धादिङका अध्यक्ष महेन्द्र धमलाले जानकारी दिए।
ट्रकमा करिब ४० यात्रु सवार रहेको अनुमान गरिएको छ। तीब्र गतिका कारण आइचर दुर्घटना भएको प्रत्यक्षदर्शीको भनाइ छ । दर्जनौ यात्रुसँगै चालक गम्भीर घाइते छन्। घाइते सबैको स्थानीय अस्पतालमा उपचार भइरहेको छ ।


