दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

ज्ञान निकेतनको विजयी सुरुआत

न्यूजलाईन्स् मिडिया संवाददाता
प्रकाशित मिति : २०७६ माघ १४ गते, मंगलवार २०:०९

काठमाडौं, माघ १४ ।
आयोजक ज्ञान निकेतनले १९ औं ज्ञान निकेतन बास्केटबल प्रतियोगिताको प्लस टु ब्वाइजतर्फ मंगलबार विजयी सुरुआत गरेको छ ।
शंखमूलस्थित घरेलु कोर्टमा ज्ञान निकेतनले डिफेन्डिङ च्याम्पियन टाइम्स इन्टरनेसनल कलेजलाई ५१–४५ ले पराजित ग¥यो । ज्ञान निकेतनका मनीष तामाङले १७ अंक जोडे । सुरुका तीन क्वाटरमा ज्ञान निकेतनले १२–८, ८–७ र ९–७ को अग्रता लियो । चौथो तथा अन्तिम क्वाटरमा टाइम्सले २३–२२ को अग्रता लिएपनि जितका लागि पर्याप्त रहेन ।
अन्य प्रतिस्पर्धामा सीसीआरसी, ह्वाइटहाउस र इन्साइट भिजनले सफलता पाए । सीसीआरसीले रिलायन्स इन्टरनेसनल एकेडेमीलाई ४८–३४ ले हरायो । सीसीआरसीका रोशन श्रेष्ठले १६ स्कोर गरे ।
ह्वाइटहाउसले बर्न हार्टमाथि ५२–२८ को सहज जित दर्ता ग¥यो । ह्वाइटहाउसका यादव निरञ्जनले १४ अंक जोडे । नोबेल एकेडेमी विरुद्धको खेलमा इन्साइट भिजन २६–२४ को झीनो अन्तरले विजयी भयो । इन्साइट भिजनका सुमन कार्कीले ८ अंक जोडे ।
प्रतियोगिताको ज्ञान निकेतनका प्रमुख कार्यकारी अधिकृत विश्वजित कुँवरले निर्णायकलाई बल हस्तान्तरण गरी एक कार्यक्रमबीच उद्घाटन गरे । सो अवसरमा विश्व प्रख्यात बास्केटबल खेलाडी ब्रायन्ट कोबीको निधनमा खेलाडीलगायतले एक मिनेट मौन धारण गरेका थिए । माघ २१ गतेसम्म चल्ने प्रतियोगिताको प्लस टु ब्वाइजमा १६ तथा स्कुलतर्फ ब्वाइजमा ८ गरी २४ टिम सहभागी छन् ।

फेसबुक प्रतिक्रिया
सम्बन्धित शीर्षकहरु