
काठमाडौं १७ माघ
सुदर्शनको निर्माण तथा निर्देशनमा तयार भएको चलचित्र ‘म यस्तो गीत गाउँछु २’को ´कसम कसम` नामक गित सार्वजनिक भएको छ ।
सार्वजनिक गीतमा पल शाह, पूजा शर्मा र एलिशा शर्मा फिचर्ड भएका छन्। सुगम पोखरेलको स्वर रहेको गीतमा दिनेशराज पुरीले र अर्जुन पोखरेलको संगीत रहेको छ। गीतको भाव अनुसार भिडियो पनि तयार पारिएको छ ।गीतको कोरियोग्राफी रामजी लामिछानेले गरेका हुन्।
शिवम अधिकारी र दिनेश न्यौपानेले लेखेको यो चलचित्रमा दिनेश डीसी, हरिहर शर्मा लगायतका कलाकारको पनि मुख्य भूमिका छ ।
सुदर्शन थापा र पूजा शर्मा निर्माता रहेको चलचित्रमा जन्मजय साम्पाङ राई सह–निर्माताको रुपमा छन् । रीच इन्टरटेन्मेन्ट र जीजीए ग्रुपले काठमाण्डौ र एफडी कम्पनीले काठमाण्डौ बाहिर चलचित्रको वितरण गर्नेछ । सांगीतिक प्रेम कथामा तयार भएको यो चलचित्रमा सुरज आचार्य र सुदिप ढकाल निर्माण नियन्त्रकको रुपमा छन् । चलचित्रको स्थानिय व्यवस्थापकको रुपमा केवल तामाङ र हरि गुरुङ छन् । यो चलचित्र फागूणको २३ गतेबाट नेपालभर रिलिज हुनेछ।


