दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

दोस्रो गिरिजाप्रसाद कोइराला स्मृति पुरुष राष्ट्रिय हक्की प्रतियोगिताअन्तर्गत बुधबार पहिलो चरणका खेल सम्पन्न

न्यूजलाईन्स् मिडिया संवाददाता
प्रकाशित मिति : २०७६ माघ २२ गते, बुधबार १९:५१

विराटनगर, माघ २२
दोस्रो गिरिजाप्रसाद कोइराला स्मृति पुरुष राष्ट्रिय हक्की प्रतियोगिताअन्तर्गत बुधबार पहिलो चरणका खेल सम्पन्न भएको छ ।
अंक तालिकाका आधारमा नेपाल आर्मी, गण्डकी, सुदूरपश्चिम र प्रदेश ५ विजयी हुँदै सेमिफाइनलमा प्रवेश गरेका छन् ।
नेपाल हक्की संघले विराटनगरस्थित सहिद रंगशालामा आयोजना गरेको प्रतियोगिताअन्तर्गत बुधबारको पहिलो खेलमा विभागीय टोली नेपाल आर्मीका रोमन रानाको ह्याट्रिक गोल मद्दतले बाग्मती प्रदेशलाई ३–० गोल अन्तरमा पराजित गर्दै सेमिफाइनलमा प्रवेश गरेको छ । रोमनले खेलको १२, ३८ र ५४ औं मिनेटमा गरेका थिए भने खेलको म्यान अफ द म्याच रोमन राना भए ।
त्यसैगरी दोस्रो खेलमा गण्डकी प्रदेशले प्रदेश २ लाई ६–० को फराकिलो गोल अन्तरमा पराजित गर्दै सेमिफाइनलमा प्रवेश गरेको छ । सुमितकुमार कामीको चार गोल मद्दतले गण्डकी प्रदेशलाई सेमिफाइनलको यात्रा सहज भएको हो । खेलको २९ औं मिनेटमा सागर आचार्यले गोल गरेको थिए भने ३८, ४०, ५० र ५७ औं मिनेटमा सुमितकुमार कामीले गोल गर्दै जितलाई फराकिलो बनाए । खेलको म्यान अफ द म्याच सुमित भए ।
त्यस्तै तेस्रो खेलमा सुदूरपश्चिम प्रदेशले प्रदेश १ लाई ५–१ गोल अन्तरमा पराजित गर्दै सेमिफाइनलको यात्रा तय गरेको छ । खेलको १० औं मिनेटमा प्रदेश १ का अनिष मगरले गोल गरेका थिए । २८ औं मिनेटमा सुदूरपश्चिमका कान्तुराम पनेरुले गोल गरे । ३६ औं मिनेटमा दीपकराज जोशीले गोल गरेभने ४८ औं मिनेटमा केशवराज जोशीले गोल गरे । ४९ र ५५ औं मिनेटमा म्यान अफ द म्याच अमित ओझा गोल गरे ।
प्रतियोगितामा एक विभागीयसहित ६ प्रदेशको सहभागिता रहेको छ । विभागीय टोली नेपाल आर्मी, सुदूरपश्चिम प्रदेश, बाग्मती प्रदेश, प्रदेश १, गण्डकी प्रदेश, प्रदेश ५ र प्रदेश २ ले प्रतियोगितामा भाग लिएका छन् ।
प्रतियोगिताको विजेताले नगद ५० हजार रुपैयाँ, उपविजेताले नगद २५ हजार रुपैयाँ र तेस्रोले नगद १५ हजार रुपैयाँका साथै ट्रफी जित्ने छन् । त्यस्तै व्यक्तिगत पुरस्कारतर्फ उदयीमान खेलाडी, सर्वाधिकगोलकर्ता, उत्कृष्ट गोलरक्षक, सर्वोत्कृष्ट खेलाडीले जनही नगद ५ हजार पाउने छन् ।
प्रतियोगिताअन्तर्गत बिहीबार हुने सेमिफाइनलको पहिलो खेलमा नेपाल आर्मी र प्रदेश ५ तथा दोस्रो खेल गण्डकी प्रदेश र सुदूरपश्चिम प्रदेशबीच प्रतिस्पर्धा हुनेछ ।

फेसबुक प्रतिक्रिया
सम्बन्धित शीर्षकहरु