
काठमाडौं । स्वास्थ्य तथा जनसङ्ख्या मन्त्रालयअन्तर्गतको इपिडिमियोलोजी तथा रोग नियन्त्रण महाशाखाले कोरोना भाइरस (कोभिड–१९) बारे बुझ्न फोन गर्न सक्ने व्यवस्था मिलाएको छ ।
महाशाखाले शुक्रबारदेखि कोरोना भाइरसबारे बुझाउन पैसा नलाग्ने नम्बर १११५ मा जानकारी दिन थालेको हो ।
कोरोनाबारे बाहिरी हल्लाको पछि नलागी महाशाखाले सञ्चालनमा ल्याएको १११५ नम्बरमा सम्पर्क गर्न आग्रह गरिएको छ ।
यो नम्बरमा आउने फोन उठाउन ६ जना कर्मचारी खटाइएको छ । १११५ नम्बरमा कोरोनाबारे जानकारी लिनका लागि चौबिसै घण्टा फोन गर्न मिल्ने व्यवस्था मिलाईएको छ ।


