• आज देशका केही स्थानहरूमा मेघगर्जन, चट्याङ, असिना र हावाहुरीसहित वर्षाको सम्भावना

    न्यूजलाईन्स् मिडिया संवाददाता
    प्रकाशित मिति : १ चैत्र २०७६, शनिबार ०७:४०

    काठमाडौं, चैत्र १ । पश्चिमी वायुको प्रभावले आज देशभरको मौसममा असर गरेको छ । शनिबार देशका अधिकांश भूभागको मौसममा पूर्ण बदली रहने जल तथा मौसम पूर्वानुमान महाशाखाले जनाएको छ।

    आज देशका केही स्थानहरूमा मेघगर्जन, चट्याङ, असिना र हावाहुरीसहित वर्षाको सम्भावना रहेको छ । महाशाखाका अनुसार आज देशका उच्च पहाडी तथा हिमाली भूभागमा हल्का देखि मध्यम हिमपात को सम्भावना समेत रहेको छ।

    यस्तै शनिबार राति देशका अधिकांश भूभागमा सामान्य बदली रहने छ। देशका पश्चिमी भूभागका थोरै स्थानहरुमा साथै मध्य तथा पूर्वी भूभागका केही स्थानहरूमा मेघ गर्जन, चट्याङ् असिना र हावाहुरीसहित वर्षाको सम्भावना रहेको महाशाखाले जारी गरेको सूचनामा उल्लेख छ।

    फेसबुक प्रतिक्रिया
    सम्बन्धित शीर्षकहरु