काठमाडौं –नेपाली व्यवसायी संघ कतारले सामाजिक सेवाको दायित्व निर्वाह गर्दै सिडब्लुइएफ नेपाल (स्वेफ नेपाल अर्फन होम) लाई आर्थिक सहयोग प्रदान गरेको छ । सामाजिक सेवाको दायित्व निर्वाह गर्दै संघले संस्थालाई १ लाख २० हजार रुपैयाँ नगद प्रदान गरेको हो ।
जोरपाटी अत्तरखेलमा रहेको संस्थाका लागि संघले सो सहयोग प्रदान गरेको सञ्चालक स्वेता केसीले जानकारी दिइन । ‘सेव नै ठुलो धर्म हो’ भन्ने भनाइलाई पुष्टि गर्दै कतारमा कर्मथलो बनाउनु हुने आदरणीय अग्रज बरिष्ठ समाजसेवीहरूले आज नेपाली व्यवसायी संघ, दोहा कतारद्धारा रु १ लाख २० हजार सहयोग गर्नुभएको छ । आदरणीयहरुले आफुले सकेको सहयोग गर्नु भएकोमा ह्दयदेखि नमन छ’, केसीले भनेकी छन् ।
केसीले कतारलाइ कर्मभूमि बनाएर थुप्रै सामाजिक कार्यमा पसिनाको कमाई केही अंश लगानी गर्दै आएको देखेर आफ्नो दुख बिसाउन पुगेको र संघका अग्रज रमेश भट्ट र अन्यसमेतको सहयोगमा प्रप्त आर्थिक सहयोयले ठूलो राहत पुर्याएको बताइन । ‘हामी लामा समय देखि स्वेफ नेपाल अर्फन होम निर्माण कार्यमा छौं । यो कार्यलाई नियालेर यस गृहको एक वर्षको जग्गा भाडाको लागि रकम सहयोग गर्नु भएकोमा नमन छ’, केसीले उल्लेख गरिन ।
२०८० आश्विन १४ - आईतवार
