काठमाडौं । इटालीमा कोरोना भाइरस संक्रमणको कारण शुक्रबार ४४ जना डाक्टरसहित ९१९ जनाको मृत्यु भएको छ । यो सँगै इटालीमा कोरोना संक्रमणबाट मृत्यु हुनेको संख्या ९ हजार १ सय ३४ पुगेको छ । यो दैनिक मृत्यु हुने संख्यामा अहिलेसम्मकै उच्च हो । मृतकमध्ये ६ सयजना बढी लोम्बार्डी क्षेत्रका हुन् । सैनिक परिचालन गरेर दुई सातासम्म जनतालाई घरमा राखेका कारण उत्तरी क्षेत्रमा संक्रमण केही कम भएको छ । पोप जन तेइसौं अस्पतालका अनुसार ‘अहिले पनि संक्रमितको संख्या उच्च छ तर पछिल्लो दिनमा बृदिद्धर कम छ ।’ यसैगरी स्पेनमा एकैदिन ७७७ जनाको ज्यान गएसँगैमृतकको संख्या ५ हजार १ सय ३८ पुगेको छ । स्पेनमा ७ हजार ९ सय ३३ जना नयाँ संक्रमण पुष्टि भएको छ । यससँगै संक्रमित संख्या ६५ हजार ७ सय १९ पुगेको छ ।
यस्तै एकैदिन अमेरिकामा ३१२ जनाको ज्यान गएको छ । यससँगै अमेरिकामा मृत्यु हुनेको संख्या १ हजार ६ सय ७ पुगेको छ । शुक्रबार एकैदिन १७ हजार २९ जनामा नयाँ संक्रमण पुष्टि भएको छ । यससँगै अमेरिकामा कोरोना संक्रमितको संख्या १ लाख २ हजार ६ सय ६४ पुगेको छ ।
२०८१ आश्विन २७ - आईतवार
