आगामी चैतसम्म तीन करोड मात्राभन्दा बढी कोरोना विरुद्धको खोप ल्याउने तयारीअसोज दोस्रो सातादेखि तेस्रो लहर आउन सक्ने प्रक्षेपणसुनको चुरा’ बोलको तिज गीत सार्वजनिकचाँडै नै श्रद्धा रोमान्टिक फिल्म ‘चालबाज इन लन्दन’ मा देखिनेसमाजवादी पार्टीको आधिकारिकता उपेन्द्र यादव पक्षलाईआज मिति २०७८ साउन १२ गते, मंगलवारको राशिफलमन्त्री कार्की समक्ष चेम्वर प्रतिनिधि मण्डलद्धारा सुझाव प्रस्तुत, कोरोना महामारीका कारण पहिलो क्षति निजी क्षेत्रले भोग्नु परेको प्रष्टोक्तीएनआरएनए एनसीसी यूएईको अध्यक्षमा कार्यबाहक अध्यक्ष निरन्जन सिलवालले उम्मेदवारी घोषणापछिल्लो घण्टामा देशैभरी ३,४२१ जना कोरोनाका नयाँ संक्रमित थपिएआयुषको'तिमी र म'मा ग्रेसी (भिडियो )
  • छ सय पर्यटकको स्थानान्तरण, दुई सय पोखरामा

    न्यूजलाईन्स् मिडिया संवाददाता
    प्रकाशित मिति : २० चैत्र २०७६, बिहीबार १६:२०

    पोखरा- कोरोना संक्रमणको महामारी विश्वभरि फैलिएसँगै विभिन्न देशबाट पोखरा र आसपासका पदयात्रामा रहेका पर्यटक आआफ्नो देश फर्किने क्रम जारी छ ।

    सन् १९१९ डिसेम्बर ३१( विसं २०७६ पुस १५) मा चीनको वुहान शहरबाट देखिएको कोरोनाले देश बाहिर घुम्न निस्केका पर्यटकलाई थप सास्ती भएको छ ।

    सीमित स्रोतसाधन र निश्चित अवधिको अनुमति लिएर घुम्न निस्केका पर्यटकलाई एकाएक देखापरेको कोरोनाले निकै त्रसित बनाइरहेको छ ।

    सरकारले यही चैत ११ गतेदेखि लकडाउन गरेपछि पर्यटकको उद्धारलाई विभिन्न सरोकार निकायले सहज बनाउँदै पर्यटकलाई पोखरादेखि काठमाडौंँसम्म पुर्‍याउने व्यवस्था मिलाउँदै आएका छन् ।

    लकडाउनका अवधिमा हालसम्म पोखराबाट ६३० पर्यटक स्थानान्तरण गरिसकिएको छ ।

    फ्रान्सेली दूतावासले आफ्ना ५८ नागरिकलाई बुद्ध एयर चार्टर गरेर काठमाडौं लगेको थियो । त्यसयता श्री एयरलाइन्स र यति एयरलाइन्स तथा पर्यटक बसले पोखरामा अलपत्र परेका पर्यटकलाई काठमाडौंँसम्म लगेका थिए ।

    पर्यटन प्रहरी पोखरा कास्कीका प्रमुख प्रहरी निरीक्षक गणेश खनालले पोखरामा र आसपासमा रहेका पर्यटकलाई काठमाडौँ पु¥याइसकिएको बताए ।

    खनालका अनुसार बिहीबार पनि पोखराको बाराही चोकबाट करीब दुई सय पर्यटक काठमाडौँ जाने तयारीमा छन् । अझै पनि पोखराका सडकमा विदेशी पर्यटक हिँडिरहेको र केही पदयात्रातिर रहेको भन्ने सूचना प्राप्त भएको हुँदा पोखरामा अझै डेढ दुई सय पर्यटक हुन सक्ने उनको अनुमान छ ।

    खनालले भने, “कहाँ कति हुनुहुन्छ यकिन भन्न सकिँदैन तर विभिन्न सूचना र पर्यटक ओहोरदोहोर गरिरहेको देख्दा डेढ दुई सयको हाराहारीमा हुनुहुन्छ कि भन्ने अनुमान छ ।”

    ट्रेकिङ्ग एजेन्सिज एशोसिएशन पश्चिमाञ्चल (टान) का अध्यक्ष हरि भुजेलले सरकारले लकडाउनको घोषणा गरे पनि पोखराका सडकमा पर्यटक बेफिक्री हिँडिरहेको बताए । उनले भने, “आज लकडाउनको १० औंँ दिन पोखराका प्रायः सबै होटल रेष्टुरेण्ट बन्द छन् तर केही पर्यटक भने सडकमा समूहमै ओहोरदोहोर गरिरहेका छन् ।”

    सम्बन्धित निकाय यस विषयमा मौन बसेकाले लकडाउनको उल्ङ्घन भएको उनको भनाइ छ । उनले पनि पोखरामा यताउता देखिरहने पर्यटककोे संख्या हेर्दा १५० देखि दुई सयसम्म हुन सक्ने बताए ।

    नेपाल पर्यटन बोर्ड गण्डकी प्रदेशका प्रमुख काशीराज भण्डारीले सम्पर्कमा आएका पर्यटकलाई पोखरादेखि काठमाडौँसम्म स्थानान्तरण गरिइरहेको जानकारी दिए ।

    उनले भने  www.strandedinnepal.com मार्फत सबै पर्यटकका लागि फोरम बनाई सूचना संकलन गरेर पोखराबाट काठमाडौँसम्म सहज वातावरण बनाइरहेका छौ, अब लगभग पर्यटक सकिए होलान् । उस्तै अवस्थामा सम्पर्कमा नभएका छुटुफुट गरी करीब १५० देखि दुई सयको हाराहारीमा हुन सक्ने अनुमान गर्न सकिन्छ ।”

    फेसबुक प्रतिक्रिया
    सम्बन्धित शीर्षकहरु