दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

भर्खरै गमलामा बेगनवेलि फुल्न लागेको छ

न्यूजलाईन्स् मिडिया संवाददाता
प्रकाशित मिति : २०७६ चैत्र ३० गते, आईतवार १९:३०

भर्खरै गमलामा
बेगनवेलि फुल्न लागेको छ
गोदावरिमा वेमोसमि
कोपिला लागेको छ
यसपाला नयाँ वर्षमा ।

(१)

शहर वन्द छ
बाहिर निस्कन मिल्दैन
अनपढ कोहि छैन शहरमा
ज्यान हत्केलामा राखेर
एकहुल तन्देरिहरु सडकमा रमिता हेर्दैछन्
काग कराउँदै गर्छ पिना सुक्दै गर्छ
यसपाला नयाँ वर्षमा ।

(२)

मौसममा केही भएन
दुःखमनाउ गर्ने धेरै भए
शहरको् कारणले
अन्ध–अपाङ्ग भोकैछन्
शहर दिनदीनै परिकार
प्रदर्शन गर्छ मोवाइलमा
अनाथालय भोकैछ
शहरियाहरु निर्दयी भएकाछन्
यसपाला नयाँ वर्षमा ।

(३)

एकहुल शहरियाहरु
गाउँ सुरक्षित भन्दै
कलुषित पार्न गाउँ पसे
विसौँ वर्ष देखि
हलो, कुटो र कोदालो नदेखेकाहरु
किशानको दोहोलो काट्दैछन्
यसपाला नयाँ वर्षमा ।

(४)

सरकार सहयोग माग्दैछ
धेरै कमाउनेहरु दुलामा छन्
कोहि राहत माग्दैछन
कोहि राहतको नामा मास्क वाँढेर
महान वन्ने कोसिशमा छन्
आफु सुरक्षित रहेर
समाज विगार्दै छन्
यसपाला नयाँ वर्षमा ।

(५)

शुभ कामना
शव्दभण्डार वाट हराएको छ
म खोज्दै छु
तर शहरियाको नाताले
गाउँ सखाप पार्ने अभियानमा
कुनै न कुनै रुपले
शायद म पनि सामेल छु
कसलाई,कुन मुखले,कसरि
शुभकामना दिउँ
सभ्य वनौँ, सहयोगि वनौँ
सुरक्षित रहुँ र रहन दिउँ
यसपालाको नयाँ वर्षमा ।
—आर्यालय

फेसबुक प्रतिक्रिया
सम्बन्धित शीर्षकहरु