
काठमाडौं ।विश्वव्यापी महामारीको रूपमा फैलिएको कोरोना भाइरस रोगको संक्रमणलाई फैलन नदिन तथा सोको रोकथाम तथा नियन्त्रणका लागि कल्याणकारी स्वयंसेवक संघ नेपालका केन्द्रिय अध्यक्ष अक्कल तामाङले संघको सिन्धुपाल्चोकका अध्यक्ष सुकदेव रिमाल लाई एक थान थर्मल गन र ५०० वटा मास्क उपलब्ध गरेका छन ।
युवा व्यवसायी तथा समाजसेवी तामाङले विगत लामो समयदेखि सामाजिक क्षेत्रमा सक्रिय रहेर विभिन्न सिर्जनात्मक कार्य गर्दै आएका तामाङ गाउँ गाउँमा थर्मल गन नहुँदा सामान्य ज्वरो आएका विरामीलाई समेत स्वास्थ्चौकीले उपचार नगरीकन फिर्ता पठाउने गरेका अवस्था लाई हेरेर एक थान थर्मल गन उपलव्ध गराएको जानकारी दिनु भयो।

कोरोनाभाइरसको संक्रमणवाट बच्न र बचाउन नेपालमा पनि लकडाउनको अवस्था रहेको छ। लकडाउनका कारण विपन्न तथा जीवन निर्वाह गर्न कठिन भएको छ। धेरैजना बेखर्ची समेत भैसकेको अवस्थालाई मध्यनजर गरेर कल्याणकारी स्वयंसेवक संघ नेपालद्वारा कोही भोको नरहुन अभियान अन्तर्गत विपन्न व्यक्तिलाई घर–घरमै पुगेर खाद्यान्न लगायत अत्यावश्यक सामाग्री वितरण गरिरहेको छ। यही अभियान अन्तर्गत उदयपुर बेलका नगरपालिकाको राहत कोषको लागि मेयर दुर्गा थापालाई संघको बेलका नगर कमिटी मार्फत खाधयान्न खरिद को लागि नगद ३०००० रुपैयाँ हस्तान्तरण समेत गरेको छ ।


