वसन्त पनि खुलेर हाँसेन यसपाला

न्यूजलाईन्स् मिडिया संवाददाता
प्रकाशित मिति : २० बैशाख २०७७, शनिबार २०:३९

आकाश धुम्म छ
धरती रुझेकि छ
चराका वचेराहरु ले
स्वतन्त्र उडान भर्न पाएका छैनन्
वसन्त पनि खुलेर हाँसेन यसपाला
किनकी चारैतीर लकडाउन छ ।

(१)

जिन्दगी टक्क अडेको छ
शहर सुनसान छ
कतै भुखमरी, कतै हाहाकार छ
कोहि रहत वाँढेको तस्विर हाल्नै व्यस्त
कोहि तेश्रो विश्वयुद्ध लड्दै छन्
एक्ला एक्लै थुनिएर
किनकी चारैतीर लकडाउन छ ।

(२)

यहाँ त चारवजे नै सुनसान भैसक्छ
शहर ,शहरजस्तो छैन
मसान
वटुवा नै नभएपछि
सडक लमतन्न एक्लो
मलामि वीनाको शव जस्तै
किनकी चारैतीर लकडाउन छ ।

(३)

मन एकतमास
कल्पनाको उडान रोकिएको छ
धेरैका इच्छा र आकांक्षा मरिसके
तै पनि सहाराको खोजि जारि छ
जिवन साह्रै ज्याद्रो छ
हतपति रोकिन्न
जसरि तसरि घिस्रीइ रहेछ
किनकी यहाँ लकडाउन छ ।

(४)

सुख दुःख जिवनको ज्यूने साधन हो
त्यसैले कहिल्यै विचलित भएन
आत्महत्या,अकालमृत्यू रोजेन
असिमीत दुःखमा पनि
उसलाई थाहा छ
रात पछि दिन हुन्छ
त्यसैले त जीवन आफ्नै सुरमा रमाई रहेछ
किनकी यहाँ लकडाउन छ ।

—आर्यालय

फेसबुक प्रतिक्रिया
सम्बन्धित शीर्षकहरु