आज मिति २०७८ साउन १८ गते, साेमवारको राशिफलमनास्लु वल्र्ड कलेजले कक्षा ११ मा विज्ञान संकायमा भर्ना हुने ३० जना विद्यार्थीलाई छात्रवृत्ति दिनेपछिल्लो २४ घण्टामा थप २,५६८ जनामा कोरोना भाइरस संक्रमण पुष्टिबालिका आश्रमका बालिकाहरुलाई क्यान्सर सचेतना कायक्रम सम्पन्नलायन्स क्लब काठमाडौँ समर्पणद्धारा खाद्यान्न, पोशाक र शैक्षिक सामाग्री सहयोगआज मिति २०७८ साउन १७ गते, आइतवारको राशिफलपछिल्लो २४ घण्टामा ३,१०६ जनामा कोरोना भाइरस संक्रमण पुष्टिजोन चियरपर्सन लायन राजन श्रेष्ठको अध्यक्षतामा डिस्ट्रिक्ट गभर्नर सल्लाहकार समितिको पहिलो बैठक बुधबार सम्पन्नहेर्नुस् आज मिति २०७८ साउन १६ गते, शनिवारको राशिफलAmbassador SH.Shah called uponPrime minister Deuba
  • नुवाकोटको लिखु खोलामा प्रहरीको देखावटी चेकीङ, अनुमती र नम्बर प्लेटनै नभएको स्काभेटरलाई समेत कारबाही भएन

    न्यूजलाईन्स् मिडिया संवाददाता
    प्रकाशित मिति : १४ जेष्ठ २०७७, बुधबार १३:०६

    रबिन थपलिया । नुवाकोट जेष्ठ १३ । नुवाकोटको पञ्चकन्या गाँउपालीका र तादी गाँउपालीकामा आज बिहानै रोचक दृष्य देखियो । प्रहरी चौकी छहरेको सामुन्ने अगाडी दुवै गाँउपालीकाको बिचमा बग्ने खोलामा जिल्ला प्रहरी कार्यालय नुवाकोटको बिशेष टोलीले बिहानै देखि चेकजाँच थाल्यो । हतपत त्यहाँ कहिल्यै नपुग्ने प्रहरी टोली पुगेपछि सर्वसाधारणहरु धेरै अचम्मीत भयो । खोलामा उत्खनन गरीरहेका स्काभेटर र टिफरको लाइन लाग्यो । छहरे र थान्सीङका जनताले पहिला त चेकिङ हो कि टिफरको आन्दोलन के हो भन्नेमानै कन्फ्युज भए । नेपाल प्रहरीकी महिला इन्सपेक्टरको नेतृत्वमा पुगेको प्रहरी टोलीले गाडीका कागजपत्र देखि उत्खननको अनुमती समेत माग्यो । धेरैको कागजपत्र नभएको र केहिको अनुमती समेत नभएको फेला पारेपछि आवश्यक कागजपत्र नभएको गाडीलाई लाइन लगाएर राख्यो । खोलामा भइरहेको अवैध उत्खनन रोक्न प्रहरीको कार्यको बजारमा प्रशंसा भइरहेको थियो । तर सर्वसाधारणको प्रहरी प्रतिको विश्वास र प्रशंसा ४ घण्टा पनि टिकेन । चार घण्टा पछि माथीको आदेशमा प्रहरीले १० वटा टिफर र स्काभेटरको साँचो गाँउपालीकाको अध्यक्षलाई हस्तान्तरण गरेर र्फकियो ।
    घटना यस्तो थियो
    आज बिहान जिल्ला प्रहरी कार्यालय नुवाकोटका प्रमुख अभिनारायण काफ्लेको आदेशमा लिखु गाँउपालीका र पञ्चकन्या गाँउपालीकामा अबैध उत्खनन र सामान ओसार पोसार भइरहेको सुचनाको आधारमा विशेष प्रहरी टोली परिचालन गरिएको थियो । विहान ८ः३० बजे पुगेको प्रहरी टोलीले उत्खनन गरिरहेका स्काभेटर र टिफरहरुको चेकजाँच सुरु गरेको थियो । दुबै गाँउपालीकाको बिचमा पर्ने खोलामा उत्खननको लागि पञ्चकन्या गाँउपालीकाले जिल्ला समन्वय समिति नुवाकोटलाई पत्र लेखि १५ वटा गाडीलाई उत्खननको लागि मागेका थियो । पछि १० वटा टिफर र एउटा स्काभेटरलाई उत्खननको लागि अनुमती पाएको थियो । त्यस्तै लिखु गाँउपालीको अनुरोधमा सोहि ठाँउमा उत्खननको लागि एउटा स्काभेटर र ५ वटा गाडीले अनुमती पाएको थियो । उत्खननको लागि अनुमती माग गरेको भन्दा बढी गाडी र स्काभेटरको लर्को देखेपछि स्थानीयबासीहरुको गुनासोको आधारमा प्रहरी चेकजाँचको लागि पुगेको थियो । चेकजाँचको क्रममा दुवै गाँउपालीकाले अनुमती नदिएका गाडी र स्काभेटर समेत प्रहरी टोलीले फेला पारेको थियो ।
    नम्बर प्लेटनै नराखी अवैध उत्खनन गर्ने स्काभेटर कस्को ?

    यहि हो नम्बर प्लेट र अनुमती नलिई उत्खनन गर्ने स्काभेटर । प्रहरी पुगेपछी चालकले यसरी छाडेर भागेका थिए ।
    बिहानै चेकजाँचको लागि प्रहरी टोली पुगेपछि यो स्काभेटर झाडीमा लुकाएर चालक फरार भएका थिए । अबैध उत्खनन गरिरहेको यो स्काभेटरको नम्बरप्लेट र अनुमती पत्र समेत छैन् । यसरी अबैध उत्खनन गर्ने स्काभेटर कस्को हो भन्ने बारेमा खुल्न सकेको छैन् । स्काभेटरलाई बेबारीसे अवस्थामा प्रहरी टोलीले भेटेपनि त्यतीकै छाडेर हिडेको थियो । प्रहरीको विशेष चेकजाँचको जानकारी पुगेपछि त्यहाँ पुग्नुभएका पञ्चकन्या गाँउपालीकाका अध्यक्ष तेजबहादुर तामाङ रमेशले अबैध उत्खनन गरिरहेको स्काभेटर बारेमा अनभिज्ञता प्रकट गर्नुभयो । उहाँले भन्नुभयो केहि बेर अघि लिखु गाँउपालीकाको अध्यक्ष ज्युसंग पनि मेरो कुरा भएको थियो यो स्काभेटरलाई दुवै गाँउपालीकाले सञ्चालनको लागि अनुमती दिएको छैन्, यस बारेमा बुझेर कारबाहीको गर्ने छौं ।

    कागजपत्र नभएका स्काभेटर र टिफरको साँचो गाँउपालीकाको अध्यक्षलाई हस्तान्तरण

    स्काभेटर र टिफरको साँचो बुझदै पञ्चकन्या गाँउपालीकाका अध्यक्ष तेजबहादुर तामाङ

    चेकजाँचको क्रममा १० वटा गाडी र स्काभेटरको कागजपत्र नभएपछि साँचो लिएको प्रहरी टोलीले दिँउसो पञ्चकन्या गाँउपालीकाका अध्यक्ष तेजबहादुर तामाङलाई हस्तान्तरण गरेको थियो । प्रहरी टोली र हामी सहित रहेको सो अवसरमा गाँउपालीकाका अध्यक्ष तामाङले कागजपत्र भएको र अनुमती पाएका गाडीको साँचो र्फिता दिने र अबैध उत्खनन गर्नेलाई कारबाही गर्ने प्रतिबद्धता व्यक्त गर्नुभयो । उहाँले भन्नुभयो अबैध काम गर्नेलाई काननु अनुसार कारबाही हुन्छ ।

    जिल्ला समन्वय समितिको आदेशमा छाडेका हौं : एसपी काफले
    जिल्ला प्रहरी कार्यालय नुवाकोटका प्रमुख एसपी अभिनारायण काफ्लेले जिल्ला समन्वय समितिको आदेशमा आफुले स्काभेटर र टिफर छाडेको बताउनुभयो । चेकजाँच गर्ने काम प्रहरीको भएपनि अन्य काम स्थानीय निकायको रहेकाले आफुले केहि गर्न नसक्ने बताउनुभयो । नम्बर प्लेट र अनुमती पत्रनै उत्खनन गर्ने स्काभेटरलाई उन्मुक्ती दिइएको बारेमा एसपी काफ्लेले त्यसबारेमा बुझेर आवश्यक प्रकृया अगाडी बढाउने बताउनुभयो ।

    ठुलालाई उन्मुक्ती सानालाई डण्डा
    केहि समय अगाडी पञ्चकन्या गाँउपालीक र लिखु गाँउपालीकाको बिचमा रहेको छहरे पुल पारीको क्रसरबाट ढुंगा बोकेर र्फकंदै गरेको एक टिफरलाई प्रहरीले नियन्त्रणमा लिएर जिल्ला समन्वय समिति नुवाकोटमा पठाएको थियो । उक्त टिफरलाई केहि दिन राखेर २० हजार जरिबाना तिराएर जिल्ला समन्वय समिति नुवाकोटले छाडेको थियो । एउटै ठाँउमा यस्तै काम गर्ने व्यवसायी र स्वरोजगार मुलक टिफरलाई दुईवटा कानुन लगाएको भन्दै प्रहरीको काम कारबाही माथी पनि सर्वसाधारणले प्रश्न उठाउन थालेका छन् ।

    प्रहरीलाई दबाब
    नुवाकोटका खोलाहरुमा यसरी अबैध उत्खनन गर्ने धेरै जसो स्थानीय निकायका जनप्रतिनिधि, नेता र उनिहरुको कार्यकर्ताहरुको संलग्नता रहेको छ । खोलामा अबैध गतिबिधि नियन्त्रण गर्न प्रहरी परिचालीत भएपनि राजनीतिक दबाबमा उनिहरुलाई प्रहरीले कारबाही गर्न सकिरहेको छैन् । जिल्ला प्रहरी कार्यालय नुवाकोटको जिम्मेवारी पाएलगत्तै एसपी अभिनारायण काफलेले अबैध रुपमा खोलामा रहेका ४६ वटा स्काभेटरलाई कारबाहीमा ल्याएपनि त्यसयता यस्ता ठुला कारबाही हुन नसकेको सर्वसाधारणको भनाई रहेको छ ।
    sagarmathapost.com बाट साभार

    फेसबुक प्रतिक्रिया
    सम्बन्धित शीर्षकहरु