दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

रुकुम पूर्वमा पनि कोरोना देखिएपछि सांसद रोका चिन्तित

न्यूजलाईन्स् मिडिया संवाददाता
प्रकाशित मिति : २०७७ जेष्ठ १५ गते, बिहीबार १०:१०

काठमाडौं । रुकुम पूर्वमा पनि बुधबार कोरोना संक्रमण देखिएको छ । स्वास्थ्य परीक्षण गर्दा ३ जनामा कोरोनाको संक्रमण देखिएकाले जिल्लामा त्रास फैलिएको छ ।
पीसीआर चेक गरिएपछि पहिलोपटक ३ जनामा संक्रमण देखिएको त्यहाँबाट निर्वाचित नेकपाकी प्रतिनिधिसभाकी सांसद कमला रोकाले जानकारी दिइन् । रुकुम पूर्वको पुथाउत्तरगंगा गाउँपालिकामा कोरोना देखिएपछि यसबाट सचेत रहन स्थानीयहरुले पनि जोड दिएका छन् । सांसद रोकाले स्वास्थ्य परीक्षणको दायरा बढाउनुपर्ने बताएकी छिन् । संसद बैठक चलिरहेकाले काठमाडौंमा रहेकी उनले आफ्नो तर्फबाट आवश्यक पहल र केन्द्रबाट उपलव्ध हुने सहयोगका लागि पहल गर्ने प्रतिवद्धता जनाएकी छिन् । पूर्वमन्त्री र केन्द्रीय सदस्य समेत रहेकी उनले कोरोनाको त्रासका कारण उव्जेको समस्याको समाधानका लागि सबै सचेत र जिम्मेवार बन्नुपर्नेमा जोड दिएकी छिन् ।
लकडाउन सुरु भएपछि जिल्ला पुगेकी उनले स्वास्थ्य सामग्री समेत उपलव्ध गराएकी थिइन् । उनले संक्रमण फैलन नदिन सबैलाई शंका लागेमा स्वास्थ्य परीक्षण गर्न र आफू पनि सचेत रहन र अरुलाई पनि सचेतनासम्वन्धी चेतना बाँड्न आग्रह गरेकी छिन् । सांसद रोकाले क्वारेन्टाइनको निर्माण गर्न र अन्य आवश्यकीय तयारी गर्न प्रशासन र स्थानीय तहसँग समन्वय र छलफल गरिरहेको समेत बताएकी छिन् ।

फेसबुक प्रतिक्रिया
सम्बन्धित शीर्षकहरु