दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

ईन्जिनियर महतो पनि समाजसेवामा

न्यूजलाईन्स् मिडिया संवाददाता
प्रकाशित मिति : २०७७ जेष्ठ १७ गते, शनिबार १९:११

काठमाडौं । ईन्जिनियर हरिशंकर महतो पनि समाजसेवामा लागेका छन् । पहिलेदेखि नै आफ्नो ढंगले सामाजिक सेवामा सक्रिय रहेका उनले अब भने खुलेरै सामाजिक सेवामा हात अघि बढाएका छन् ।
एक्मी इन्जिनियरिन कलेजमा पढाउँदै गरेका उनले समाजसेवा आफ्नो रहर भएको बताएका छन् । महोत्तरी बर्दिबासका महतोले आफ्नो तलबबाट आएको आम्दानीले लकडाउन पीडितलाई राहतस्वरुप नगद उपलव्ध गराएका छन् । उनले बाफलका समाजसेवी ताराबहादुर कुँवरलाई २५ हजार रुपैंया दिएर समन्वय गरेका छन् । आज बाफलमा आयोजित राहत वितरण कार्यक्रममा बोल्दै महतोले समाजसेवी कुँवरको अभियानलाई थप सहज बनाउन आफू पनि लागिपरेको बताए । महतोले कोरोना भाइरसका कारण धेरैजसो नागरिकको जीवन संकटमा परेकाले आफ्नो तर्फबाट पनि केही योगदान गरेको बताए । उनले सहयोग गर्न पाउँदा खुशी महसुस भएको प्रतिक्रिया दिएका छन् । उनले आगामी दिनमा पनि समस्यामा परेकालाई आफ्नो तर्फबाट सहयोग गर्ने बताए ।
उनले यसअघि पनि लकडाउनका कारण समस्यामा परेकालाई समन्वय गरेर राहत वितरण गरेको बताए । बुबा पनि समाजसेवामा संलग्न भएकाले आफू पनि त्यसतर्फ प्रेरित भएको बताए । बुबा रामकृष्ण महतो बर्दिबास व्यापार संघका संस्थापक अध्यक्ष भएकाले पनि आफूलाई समाजसेवामा लाग्नुपर्छ भन्ने उत्साह जागेको उनले बताए ।

फेसबुक प्रतिक्रिया
सम्बन्धित शीर्षकहरु