• वर्षा अझै तीन दिनसम्म लगातार हुने

    न्यूजलाईन्स् मिडिया संवाददाता
    प्रकाशित मिति : १९ जेष्ठ २०७७, सोमबार ०८:४९

    काठमाडौं, जेठ १९ । पश्चिमी वायु र स्थानीय वायुको प्रभावका कारण केहि दिन यता दिनहुँजसो हुँदै आएको वर्षा अझै तीन दिनसम्म लगातार हुने भएको छ ।

    जल तथा मौसम पूर्वानुमान महाशाखाका अनुसार सोमबार देशको पूर्वी भू–भागहरु लगायत मध्य तथा पश्चिमी पहाडी भू–भागका थोरै स्थानहरुमा मेघगर्जन, चट्याङ र हावाहुरीसहित वर्षाको सम्भावना रहेको छ ।

    महाशाखका अनुसार आज काठमाडौं उपत्यकामा बिहानैदेखि वर्षा भइराखेको यो वर्ष प्री मनसुन अघिल्ला वर्षहरुको तुलानामा अधिक रहेको जनाइएको छ । यो बर्ष बैशाख महिनामा मात्रै अघिल्लो वर्षको भन्दा ४० प्रतिशत बढि पानी परेको छ ।

    आज रातिसम्म देशको पूर्वी भू-भागहरु लगायत मध्य तथा पश्चिमी पहाडी भू-भागमा सामान्य बदली रहि बाँकी भू-भागमा मौसम सामान्यतया सफा रहनेछ। पूर्वी भू-भागहरु लगायत मध्य तथा पश्चिमी पहाडी भू-भागका थोरै स्थानहरुमा मेघगर्जनरचट्याङ सहित वर्षाको सम्भावना रहेको छ।

    फेसबुक प्रतिक्रिया
    सम्बन्धित शीर्षकहरु