सबैले योग गर्ने बानी बसालौं– सदस्य–सचिव घिसिङसहकारी रोजगार मेला सुरु! रोजगारी खोज्ने युवालाई ठुलो अवसर - सहकारी मन्त्रीआज अन्तर्राष्ट्रिय योग दिवस नेपालमा विभिन्न कार्यक्रमको आयोजना गरी मनाइँदैगोल्डेनगेट एसईई कप शनिबारदेखि हुनेविद्यालय खेलकुदसँग बक्सिङको साझेदारीआमा कुजाईन रेस्टुरेन्ट क्यानडाका निर्देशक ज्ञानेन्द्र बञ्जारा सम्मानितहेर्नुस् आज असार ७ गते शुक्रबारको राशिफलसगरमाथा आधार शिविरमा ‘विश्व शेफ सम्मेलन’ घोषणा,समाज कल्याण परिषद्लाई सातै प्रदेशमा विस्तार गरिनेपिकोलो रेस्टुरेन्ट एण्ड इभेन्ट्सका प्रवन्ध निर्देशक श्रेष्ठ सम्मानित

स्वयमसेवक संघद्धारा अझै पनि निःशुल्क खाना वितरण

न्यूजलाईन्स् मिडिया संवाददाता
प्रकाशित मिति : २०७७ असार २ गते, मंगलवार १९:२३

काठमाडौं । नेपाल स्वयमसेवक संघले अझैसम्म खाना वितरण गरेको छ । लकडाउनका कारण समस्यामा परेका नागरिकलाई लकडाउनको भोलिबाट निरन्तर खाना खुवाएको संघका अध्यक्ष सन्तोष निरौलाले बताए ।
सामाजिक सेवा गर्ने उद्येश्यले ५ वर्ष अघि स्थापना गरिएको संघले भक्तपुर नगरपालिकाको क्यान्सर अस्पताल, नयाँ ठिमी चौक, सूर्यविनायक चौक र कोटेश्वरमा बिहान बेलुकै खाना वितरण गरिएको निरौलाले जनाए । कोरोना भाइरसको त्रासका कारण सुरु भएको लकडाउनले मानिसको दैनिकी अस्तव्यस्त भएकाले समस्यामा परेकालाई खाना खुवाइएको उनको भनाई छ । हामीले अहिलेसम्म निरन्तर सेवा उपलव्ध गराएका छौं भन्ने उनले आफूले काम गरेपनि अहिलेसम्म खासै चर्चा नगरिएको जनाएका छन् । अबको परिस्थिति हेरेर नयाँ निर्णय गरिने उपाध्यक्ष मोहन गमालले बताए । गमालले लकडाउन केही खुकुलो भएपनि मानिसको दैनिकी सहज नभएकाले सेवालाई निरन्तरता दिएको जनाएका छन् । यो सामाजिक काम भएकाले आफ्नो जिम्मेवारी पूरा गरेको गमालको भनाई छ ।
अभियानमा विभिन्न व्यक्ति र संस्थाले सहयोग गरेका छन् । सुरुमा संघले प्याकेटमा खाना खुवाएको थियो । संघले केही पछि भने बाहिर नै खाना पकाएर लगेको थियो । खाना लाने क्रममा कतै बालबालिका, बृद्धबृद्धा र असहाय नागरिक फेला परे भने त्यही गाडी रोकेर सेवा गरिएको गमालले उल्लेख गरेका छन् । संघले शिक्षण अस्पताल महाराजगञ्ज र गंगालाल अस्पताल बाँसबारीमा पनि अन्य संघसंस्थासँग समन्वय गरेर खाना खुवाएको थियो । गमालले अहिलेसम्म १ लाखभन्दा बढीलाई सेवा गरिएको जनाएका छन् ।

संघले सरकारले स्थानीय तहसँग समन्वय गरेर राहत वितरण गर्न भनेकामा असन्तुष्टि जनाएको छ । स्थानीय तहबाट मात्र राहत उपलव्ध गराउने भनेपछि पीडितले राहत नपाउने समस्या भएको अध्यक्ष निरौलाले बताएका छन् । संघले यसअघि भूकम्पबाट पीडित भएकालाई उपचारमा सहयोग गर्दै आवश्यक सहजीकरण पनि गरेको स्पष्ट पारेको छ । संघले विभिन्न ठाउँमा गएको बाढी पहिरोमा परेका नागरिकलाई पनि राहत वितरण गरिएको जनाएको छ ।
संघले आगामी दिनमा पनि सहयोग र समन्वय गर्ने प्रतिवद्धता जनाएको छ । संघले ५ सय जनालाई राहत स्वरुप चामल वितरण गरेको छ । केही चामल संकलन भइसकेकाले अब केही थप भएपछि फेरि चामल वितरण गर्ने अध्यक्ष निरौलाले जनाएका छन् ।

फेसबुक प्रतिक्रिया
सम्बन्धित शीर्षकहरु