कमल राज पुरी
गुल्मी जिल्लाको धुर्कोट गाउपालिकामा पहिरोले जिप पुरिदा २ जनाको मृत्यु भएको छ ।
धुर्कोट गाउँपालिका वडा नम्बर -३ हाडहाडेको हर्रापाटामा माथी बाट खसेको पहिरोले जिप पुरिदा चालक सहित दुई जनाको ज्यान गएको छ ।
मदाने गाउपालिकाको पुर्कोट दह बाट सुत्केरीलाई लिएर घर पु-याई फर्कने क्रममा ग १ ज ३९९७ नम्बरको गुडि रहेको जिप माथी पहिरो खसेको हो ।
पहिरोमा पुरिदा धुर्कोट गाउपालिका वडा नम्वर-३ निवासी बर्ष १८ का सरोज काउछा को घटना स्थलमै मृत्यु भएको छ भने बर्ष २४ का सवारी चालक प्रदीप पुनको उपचारको लागि लैजादै गर्दा बाटोमा मृत्यु भएको छ ।
गाडीमा ६ जना सवार थिए । घाइते २५ बर्षिय रमेश रानालाई थप उपचारको लागि सन्धिखर्क पठाइएको छ भने बाँकि ३ जना घाइतेहरुको अवस्था सामान्य रहेकोले हाडहाडेमा नै प्राथमिक उपचार गरिएको छ ।
२०८१ आश्विन २६ - शनिबार
