दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

वरिष्ठ वैदेशिक रोजगार व्यवसायी हेम गुरुङ वैदेशिक रोजगार बोर्डको सदस्यमा मनोनित

न्यूजलाईन्स् मिडिया संवाददाता
प्रकाशित मिति : २०७७ असार २२ गते, सोमबार ११:४७

काठमाडौँ–वरिष्ठ वैदेशिक रोजगार व्यवसायी एवं एसओएस म्यानपावर सर्भिस प्रा.लि.का संचालक हेम गुरुङ वैदेशिक रोजगार बोर्डको सदस्यमा मनोनित भएका छन् । श्रम, रोजगार तथा सामाजिक सुरक्षा मन्त्री रामेश्वर राय यादवले वैदेशिक रोजगार ऐन २०६४ को दफा ३८ अनुसार व्यवसायी गुरुङलाई बोर्ड सदस्यमा मनोनयन गरेका हुन् ।

मनोनित सदस्यहरुको कार्यकाल निर्णय भएको मितिले दुई वर्ष सम्म रहनेछ । मन्त्रालयले गुरुङलाई वैदेशिक रोजगार व्यवसायीहरुकातर्फबाट र खड्कालाई वैदेशिक रोजगार विज्ञकारुपमा मनोनित गरेको हो । व्यवसायी गुरुङले यसअघि पनि बोर्ड सदस्य रहेर दुई वर्ष कार्यकाल सफलताका साथ बिताइसकेका छन् । गुरुङ नेपालको वैदेशिक रोजगारको क्षेत्रमा गौरवमय ईतिहास बनाएको एसओएस मेनपावर सर्भिस प्रा.लि.का अध्यक्ष हुन् ।

२०५२ सालदेखि निरन्तर रुपमा वैदेशिक रोजगारमा उलेख्य संख्यामा कामदार पठाएको एओसएस यसअघि श्रम, रोजगार तथा सामाजिक सुरक्षा मन्त्रालयबाट समेत उत्कृष्ट मेनपावरका रुपमा सम्मानित भएको थियो । नेपालबाट धेरै कामदार वैदेशिक रोजगारीमा पाठाउने गरेको एसओएसले गत आर्थिक वर्ष २०७०/७१ मा ९ हजार २ सय १४ जना नेपाली कामदार वैदेशिक रोजगारमा पठाएको थियो । श्रममन्त्रीको अध्यक्षता रहने यस बोर्डमा उच्च पदस्थ सरकारी अधिकारी, वैदेशिक रोजगार व्यवसायी, ट्रेड युनियन, वैदेशिक रोजगार विज्ञ र यस क्षेत्रमा कार्यरत संस्थाहरुको प्रतिनिधित्व रहने व्यवस्था रहेको छ ।

हाल बोर्डमा अध्यक्षसहित २५ जना सदस्य रहेका छन् । बोर्डमा बैदेशिक रोजगारको छेत्रबाट नेपाल वैदेशिक रोजगार व्यवसायी संघका अध्यक्ष विष्णु गैरे र कोषाध्यक्ष इन्दिरा गुरुङ पनि सदस्य रहेका छन् ।

फेसबुक प्रतिक्रिया
सम्बन्धित शीर्षकहरु