काठमाडौं ।गायिका तथा संचारकर्मी अनिता चलाउनेले हरेक बर्ष जस्तै यसपटक पनि तीज गीत सार्वजनिक गरेकी छन् । बुधवार ‘यस्तो बनोस् मेरो तीज’ बोलको गीत सामाजिक सञ्जाल युट्युबबाट सार्वजनिक गरिएको हो ।

विदेशको पिआर छ’ को सफलता पछि लगतै तीज गीत सार्वजनिक गरेकी अनितालाई शुरुमै राम्रो प्रतिक्रिया मिलेको छ ।
पछिल्लो समय तीजको नाममा अपशब्द र भल्गर गीतहरु सार्वजनिक भईरहेको अवस्थामा अनिताको गीत समय सान्दर्भिक र नेपाली मौली संस्कृति र धर्म अनुसार तयार गरिएको छ ।
बिपिन किरणका शब्द तथा दीपक शर्माको संगीत रहेको गीतमा अनिताले स्वर दिएकी छन् । गीतमा पछिल्लो समय टिकटकबाट भाइरल भएकी दिदीबहिनी प्रिज्मा खतिवडा र प्रिन्सी खतिवडाको साथमा सागर लम्साल (बले) प्रस्तुत भएका छन् ।
भिडियोलाई गम्भीर बिष्टले निर्देशन गरेका हुन् । गायिका चलाउनेले आफुले भड्किलो गीत नगाएर नेपालको मौलिक चाड हरितालिका तीजको मर्म अनुसारको गीत तथा भिडियो बनाएको बताईन् ।
गीतमा मौलिक शब्द तथा संगीत र भिडियो पनि उस्तै तरिकाले निर्माण गरेको उनले बताएकी छन् ।
भिडियो :
२०८० आश्विन १४ - आईतवार
