हेर्नुस् आज फाल्गुण २२गते मंगलबारको राशिफलनेपाल हेभी इक्विपमेन्ट व्यवसायी संघ काठमाडौमा  महेश कुँवरको नेतृत्वविकास शिल्ड उपाधि पुरुषतर्फ सशस्त्र प्रहरी बल एपीएफ र महिलातर्फ सुदुरपश्चिम प्रदेशलाईमधेशी एकता समाजको होली समारोह धुमधाम र भव्यताका साथ दुबईमा सम्पन्नHONOR Wins 45 Media Awards at MWC 2024नयाँ गठबन्धन निर्माणसँगै प्रधानमन्त्री पुष्पकमल दाहाल प्रचण्डले तीन जना मन्त्री नियुक्तनेपाल मेडिकल कलेजमा श्रवण सम्बन्धी निःशुल्क स्वास्थ्य जाँचलक्ष्मी ग्रुपका अध्यक्ष श्रेष्ठलाई ‘कर्पोरेट लाइफटाइम अचिभमेन्ट अवार्ड’, को हुन् उनी ?राष्ट्रिय सभाका निर्वाचित १९ सदस्यले आज शपथग्रहण गर्दैविकास शिल्ड राष्ट्रिय ह्वीलचियर बास्केटबल च्याम्पियनसिपः सुदुरपश्चिम र लुम्बीनी फाइनलमा प्रवेश

घरभाडा छुट दिन फेकनको आग्रह

न्यूजलाईन्स् मिडिया संवाददाता
प्रकाशित मिति : २०७७ असार ३१ गते, बुधबार १८:१९

काठमाडौं । कन्सल्टेन्सी व्यवसायीहरुको छाता संस्था स्वतन्त्र शैक्षिक परामर्श संघ नेपाल (फेकन) ले लकडाउनका कारण व्यवसाय संकटमा परेकाले ४ महिनाको घरभाडा छुट दिन घरधनीलाई आग्रह गरेको छ ।
फेकनका अध्यक्ष युवराज कटवालद्धारा हस्ताक्षरित विज्ञप्तिमा लकडाउन सुरु भएको चैत्रबाट असारसम्मको सबै घरभाडा छुट दिन र साउनदेखि आगामी असारसम्मको भाडा ५० प्रतिशतमात्र लिन समेत घरधनीलाई अनुरोध गरेको छ । फेकनले लकडाउनका कारण अरु व्यवसायजस्तै कन्सल्टेन्सीमा पनि बढी समस्यामा परेकाले यो असहज अवस्थामा आफूहरुको मर्का बुझिदिन विज्ञप्ती नै निकालेर आग्रह गरेको हो । फेकनले लकडाउन पूर्ण रुपमा खुलेसँगै अन्तर्राष्ट्रिय उडान पनि सुरु भएको एक वर्षसम्म व्यवसाय संकटमा नै पर्ने भएकाले आफूहरुको अनुरोधलाई स्वभाविक ढंगले मनन गर्न पनि घरधनीलाई भनेको छ । काठमाडौं उपत्यकासहित प्रमुख शहरमा मुख्य बजारमा कन्सल्टेन्सी धेरै रहेको र घरधनीलाई पनि भाडा लाउन सहज भएकाले अब भने घरधनी र व्यवसायीबीच समझदारी गरेर जानुपर्ने विज्ञप्तीमा उल्लेख छ ।
२०७२ सालको भूकम्पले संकटमा परेको कन्सल्टेन्सी व्यवसाय भर्खरैमात्र उस्कँदै गरेकामा अहिले कोरोना भाइरसको त्रासले फेरि थला परेको पनि जनाइएको छ । विज्ञप्तीमा अहिले आफूहरुले लिएको घर छोडेपनि केही समय फेरि कसैले पनि भाडामा लिइहाल्ने अवस्था नभएकाले पनि दुवै पक्ष मिलेर जानुको अर्को विकल्प नरहेको स्पष्ट पारिएको छ । १२ वर्षअघि शैक्षिक परामर्शदाताहरुको हकहित गर्ने उद्येश्यले स्थापना गरिएको फेकनले जायज माग लिएर सडकदेखि मन्त्रालयसम्म पनि आफ्नो आवाज उठाइरहेको समेत अवगत गराएको छ । लकडाउनका कारण कतिपय व्यवसायी विस्थापित भएकोमा चिन्ता व्यक्त गर्दै फेकनले अरु व्यवसायीलाई टिकाइरहन पनि आफूहरुलाई राहतको आवश्यकता भएको औंल्याएको छ ।
फेकनले अध्ययनका लागि विदेश जान खोजेका र भिषा लागेका विद्यार्थीको सहजताका लागि सरकार र सरोकारवाला निकायसँग समन्वय गरिदिन पनि आग्रह गरेको छ । अध्ययनका लागि बैंकबाट दिएको ऋणको व्याज मिनाहा गरिदिन पनि बैंकसँग आग्रह गरेको छ ।



फेसबुक प्रतिक्रिया
सम्बन्धित शीर्षकहरु