दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

मनसुनको न्यून चापीय रेखा नेपाल नजिकै

न्यूजलाईन्स् मिडिया संवाददाता
प्रकाशित मिति : २०७७ श्रावण ५ गते, सोमबार १३:००

काठमाडौं, ५ साउन । मनसुनको न्यून चापीय रेखा नेपाल नजिकै आएको छ। जसका कारण अब कम्तीमा तीन दिन देशभर व्यापक वर्षा जारी रहने अनुमान मौसमविद्ले गरेका छन्।

उसो त शनिबार रातिदेखि नै देशभर वर्षा भइरहेको छ। धेरैजसो स्थानमा हल्कादेखि मध्यम तथा कतिपय स्थानमा भारी वर्षासमेत भइरहेको मौसमविद्ले बताएका छन्।

मौसम पूर्वानुमान महाशाखाकी मौसमविद् गंगा नगरकोटीका अनुसार अहिले (सोमबार बिहान) पनि काठमाडौं उपत्यकासहित देशका धेरैजसो स्थानमा वर्षा भइरहेको छ। ‘प्रदेश २ का कतिपय स्थानमा त अहिले भारी वर्षासमेत भइरहेको छ,’ उनले भनिन्, ‘अन्य स्थानमा भने हल्कादेखि मध्यमसम्म वर्षा जारी छ।’

उनका अनुसार न्यून चापीय रेखा नजिकिएपछि लगातार र भारी वर्षा हुने सम्भावना बढी हुन्छ। ‘मनसुनका बेला पानी त पर्छ नै,’ मौसमविद् बासीले भनिन्, ‘तर न्यून चापीय रेखा नजिकिएपछि लगातार र ठूलो वर्षा हुन्छ।’

उनका अनुसार शनिबार रातिदेखि नै देशका प्रायः स्थानमा निरन्तर वर्षा भइरहेको छ। ‘कहिले कम कहिले बढी, कहिले एकैछिन रोकिनु बेग्लै कुरा हो, तर वर्षा भइरहेको छ,’ उनले भनिन्, ‘अब कम्तीमा तीन दिन अलि सतर्क हुन जरुरी छ।’

यस विषयमा जल तथा मौसम विज्ञान विभाग, राष्ट्रिय विपद् जोखिम न्यूनीकरण तथा व्यवस्थापन प्राधिकरणलगायत निकायले केही दिनअघि नै सूचना जारी गरेर सचेत गराइसकेका छन्।

फेसबुक प्रतिक्रिया
सम्बन्धित शीर्षकहरु