
काठमाडौं । पछिल्लो २४ घन्टामा थप २२४ जनामा कोरोना भाईरस (कोभिड-१९) को संक्रमण पुष्टि भएको छ ।
शुक्रबार नियमित प्रेस बृङमार्फत स्वास्थ्य तथा जनसंख्या मन्त्रालयले यसबारे जानकारी दिएको हो ।
देशभरका प्रयोगशालामा १० हजार ७६८ नमुना परीक्षण गर्दा उनीहरुमा संक्रमण पुष्टि भएको मन्त्रालयका प्रवक्ता डा. जागेश्वर गौतमले जानकारी दिए । योसंगै देशभर कोरोना संक्रमितको संख्या १९ हजार ७७१ पुगेको छ ।
यसैगरी, आज थप १५१ जना कोरोना संक्रमण मुक्त भएका छन् । योसँगै संक्रमण मुक्त भई निको हुनेको संख्या १४ हजार ३९९ पुगेको छ ।
हाल नेपालमा ५ हजार ३१६ जनाकाे विभिन्न अस्पतालकाे आइसोलेशनमा उपचार भइरहेकाे प्रवक्ता डा. गाैतमले जानकारी दिए ।


