
शिशिर पाण्डे / बुटवल- एसियन लाइफ इन्स्योरेन्स कम्पनीले बुटवलको भलवारी उप-शाखाले आधारभुत अभिकर्ता तालिम सम्पन्न गरेको छ । कम्पनीको भलवारी उप शाखाले गरेको कार्यक्रममा रुपन्देही लगायत विभिन्न ठाउँबाट ३५ जना अभिकर्ताहरुको सहभागिता रहेको थियो । कार्यक्रममा एसियन लाइफका कार्य विभागीय प्रबन्धक कृष्ण कुमार पुरीले अभिकर्ताहरुलाई बिक्री कलाको बारेमा प्रशिक्षण दिएका थिए ।
बुटवलको मिलनचोकमा रहेको दियालो फुडल्यान्डमा कार्यक्रम सम्पन्न भएको थियो । कार्यक्रममा बुटवल शाखाका विभागिय प्रबन्धक कृष्ण कुमार पुरी तथा भलवारी उप-शाखाका प्रवन्धक सुदिप पाण्डेले मन्तव्य राखेका थिए ।
नेपालको उत्कृष्ट नम्बरमा पर्न सफल भएको एसियन लाइफको रुपन्देहीमा ५००० अभिकर्तासहित दुई लाख बढी नागरिकले सेवा लिइरहेको बुटवल शाखाका विभागिय प्रबन्धक कृष्ण कुमार पुरीले जानकारी दिए ।


