
काठमाडौं ।पछिल्लो २४ घण्टामा देशभर थप ८९९ जनामा कोरोना भाईरस (कोभिड-१९) को संक्रमण पुष्टि भएको छ ।
आज थप ३०३ महिला र ५९६ पुरुषमा संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले नियमित प्रेस बृफिङमार्फत जानकारी दिएका हुन् ।
यससँगै देशभर कोरोना संक्रमितको कुल संख्या ३९ हजार ४६० पुगेको छ ।
यस्तै, कोरोना संक्रमण मुक्त हुनेको संख्या २१ हजार ४१० पुगेको छ । हाल देशभर सक्रिय संक्रमितको संख्या १७ हजार ८२२ रहेको छ।


