दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

विपीले देखाएको बाटोमा कांग्रेस हिँड्नुपर्छ – लक्ष्मण शाही

न्यूजलाईन्स् मिडिया संवाददाता
प्रकाशित मिति : २०७७ भाद्र २४ गते, बुधबार १३:२९

काठमाडौं । नेपाली कांग्रेस जुम्लाका भ्रातृ संगठन विभाग प्रमुख लक्ष्मण शाहीले कांग्रेसका विश्वेश्वरप्रसाद कोइरालाले देखाएको बाटोमा कांग्रेस हिँड्नुपर्ने बताएका छन् । पार्टीका युवा नेता उनले विपीले कांग्रेसमा त्याग, तपस्या र उदारताको पाठ सिकाएकाले त्यसलाई सबैले मार्गदर्शनका रुपमा लिनुपर्ने उनको भनाई छ ।
विपीको १ सय ७ औं जन्मजयन्तीको अवसरमा उनले भने ‘नेपाली कांग्रेसप्रति जनताको झुकाव अझै पनि छ, कांग्रेस बलियो भएको हेर्न चाहने नागरिकको ईच्छालाई नेतृत्वले ख्याल गर्नुपर्छ ।’ यो अवसरमा पार्टीले ३ दिनसम्म विभिन्न कार्यक्रमको आयोजना गरेको छ । २०१५ सालमा प्रथमपटक जननिर्वाचित प्रधानमन्त्री भएका उनले छोटो समयमा पनि देश र जनताको पक्षमा राम्रो काम गरेको उदाहरणीय बनेको उनको भनाई छ । तत्कालीन राजा महेन्द्रले ‘कु’ गरेपछि विपीको सरकार २०१७ पौष १ गते ढलेको थियो । विपीले पटकपटक गरी १२ वर्ष जेल जीवन बिताएका थिए । भारतको बनारसमा १९७१ साल भदौ २४ गते जन्मिएका उनले २०३३ सालमा नेपाल फकिँदा लिएको राष्ट्रिय मेलमिलापको नीति अझै पनि सान्दर्भिक रहेको छ ।
नेता शाहीले नेपाली कांग्रेसले यो बेला जनताका हरेक विषयमा आवाज उठाउनुपर्ने उनको सुझाव छ । भारतको स्वतन्त्रता आन्दोलनको लागि पनि सक्रिय रहेका उनले १ सय ४ वर्षे जहानिँया राणा शासन ढाल्न पनि विशेष भूमिका निर्वाह गरेका थिए । शाहीले कांग्रेसका संस्थापक नेताहरुले पार्टीमा ठूलो योगदान गरेकाले त्यसलाई भुल्न नहुने पनि बताए । ‘विपीले आफ्नो जीवनमा कहिल्यै पनि स्वार्थको राजनीति गरेनन्, जीवनको अन्तिम क्षणसम्म देशको लागि समर्पित भएर काम गरेको इतिहास छ ’ उनले भने ‘ कांग्रेसको अहिलेको नेतृत्वले पनि विपीको बाटो पछ्याउनुपर्छ र राम्रो कामको अनुशरण गर्नुपर्छ, केवल नाममात्र लिएर उनको वास्तविक सम्मान हुँदैन ।’

फेसबुक प्रतिक्रिया
सम्बन्धित शीर्षकहरु