दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

शाकाहारी पार्टीका प्रदेश संयोजकबाट बुबाको सम्झनामा शाकाहारी भोजन वितरण

न्यूजलाईन्स् मिडिया संवाददाता
प्रकाशित मिति : २०७७ भाद्र ३१ गते, बुधबार १५:३८

काठमाडौं । नेपाल शाकाहारी पार्टीका सुदूरपश्चिम प्रदेश संयोजक इन्द्र मल्लले आफ्ना बुवाको १३ औं पुण्यतिथिमा काठमाडौंमा झण्डै २ हजार जनालाई आज शाकाहारी भोजन खुवाएका छन् ।
उनका पिता गंगाराम मल्लको ७३ वर्षको उमेरमा कञ्चनपुरको बेदकोट नगरपालिका ३ मा निधन भएको थियो । ईन्द्रले बुबाको सम्झनामा काठमाडौंका विभिन्न ठाउँमा रहेका सर्वसाधारणलाई त्यही पुगेर भोजन गराएको बताए ।

‘म त कञ्चनपुरको घरमै छु, मेरो समन्वयमा त्यहाँ रहेका साथीहरुले भोजन ग्रहण गराउनु भयो’ उनले भने ‘कोरोना भाइरसको त्रासका कारण भएको लकडाउन र अन्य कारणले पनि समस्यामा परेका नागरिकलाई केही भए पनि राहत होस् भनेर यस्तो योजना गरेको हुँ ।’ उनका अनुसार रत्नपार्क, बसपार्क, कलंकी, त्रिपुरेश्वर, पशुपति क्षेत्रलगायतका ठाउँमा पुगेर पार्टी अध्यक्ष राधेश्याम खड्का र फुड बैंकले भोजन वितरण गरेका थिए । उनले दुःखको घडीमा खड्का र फुड बैंकले गरेको सहयोगप्रति पनि आभार व्यक्त गरेका छन् ।
ईन्द्रले बुबाको सम्झनामा कसैलाई सहयोग गर्न पाएकामा खुशी लागेको बताएका छन् । उनले बुबाको नाममा आगामी दिनमा पनि सामाजिक क्षेत्रमा काम गर्ने प्रतिबद्धता जनाएका छन् ।

फेसबुक प्रतिक्रिया
सम्बन्धित शीर्षकहरु