
काठमाडौं ।पछिल्लो २४ घण्टामा देशभर १ हजार २४६ जनामा कोरोना भाइरस (कोभिड-१९) को संक्रमण पुष्टि भएको छ ।
बिहीबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा. जागेश्वर गौतमले यसबारे जानकारी दिएका हुन् । योसँगै देशभर संक्रमितको संख्या ५९ हजार ५७३ पुगेको छ ।
यसैगरी, प्रवक्ता गौतमका अनुसार आज १ हजार २४३ जना संक्रमित निको भएका छ्न् । योसँगै हालसम्म निको हुनेको संख्या ४२ हजार ९४९ पुगेको छ ।
आज देशभर सक्रिय संक्रमितको संख्या १६ हजार २४१ रहेको छ । आज १० हजार ६४१ जनाको पीसीआर परीक्षण भएको पनि गौतमले जानकारी दिए ।


