दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

रक्तदानसँगै राहत वितरणलाई पनि निरन्तरता दिँदै कुँवर

न्यूजलाईन्स् मिडिया संवाददाता
प्रकाशित मिति : २०७७ आश्विन ३ गते, शनिबार १९:२८

काठमाडौं । व्यापारी भएर पनि समाजसेवामा केही खर्च गरौं भनेर सामाजिक अभियान चलाउँदै आएका वाफल काठमाडौंका ताराबहादुर कुँवरले पछिल्लो समयमा चलाएको रक्तदान अभियान पनि प्रभावकारी बन्दै गएको छ ।
उनी अब दुवै अभियानलाई सँगै लाने बताउँछन् । कोरोना भाइरसको त्रासका कारण भएको लकडाउनले मानिसको दैनिक जीवनयापनमा समस्या परेको बुझेपछि नागरिकलाई हरेक शनिबार राहत स्वरुप चामल, दाल, तेल, नुनसहितका सामग्री वितरण गरिरहेका छन् । उनले लकडाउन खुलेपछि बीचमा केही समय राहत वितरण रोके पनि फेरि सुरु भएको निषेधाज्ञामा राहत बाँडे, जुन प्रक्रिया अहिलेसम्म जारी छ । उनीबाट अहिलेसम्म १२ सय ४७ जनाले राहत पाएका छन् । उनी व्यापारबाट आएको केही नाफा समाजसेवामा लगाउने बताउँछन् ।

चक्रपथ सरसफाई अभियानको अगुवाइमा शनिबार बागमति प्रदेशसभाका नेकपा सांसद् लक्ष्मण लम्सालको प्रमुख आतिथ्यतामा भएको कार्यक्रममा लम्सालसहित २७ जनाले रक्तदान गरेका थिए । कुँवर नै अभियानका प्रमुख अभियन्ता हुन् । अहिलेसम्म तीन चरणमा गरी संकलित ७९ पाउण्ड रगत नेपाल रेडक्रस सोसाइटीको केन्द्रीय कार्यालयमा जम्मा गरिएको छ । हेभी ईक्विपमेन्ट व्यवसायी महासंघका अध्यक्ष, हजुरलाई नमस्ते ट्रेड लिंकका सञ्चालक रहेका उनी पछिल्लो समयमा रगतको अभाव हुन थालेपछि आफूले रक्तदान अभियान चलाएको जनाउँछन् । उनी रक्तदान र राहत वितरण अभियानलाई हरेक साता सञ्चालन गर्ने बताउँछन् ।
उनले आफूले लगाएको घरभाडामा पनि लकडाउनमा छुट गरिदिएका थिए । सरकार र अन्य निकायले लकडाउनपीडितको मर्म बुझ्न नसकेको उनको गुनासो छ । उनी अरु नागरिकलाई पनि समाजसेवामा सक्रियता देखाउन आग्रह गर्छन् ।

फेसबुक प्रतिक्रिया
सम्बन्धित शीर्षकहरु