• एकै पटकमा ५ शिशुलाई जन्म

    न्यूजलाईन्स् मिडिया संवाददाता
    प्रकाशित मिति : २० आश्विन २०७७, मंगलवार ०४:१७

    काठमाडौं १९ असोज । काठमाडौको थापाथलीस्थित परोपकार प्रसूति गृहमा एक जना महिलाले पाँच वटा शिशुलाई जन्म दिएकी छन । सोमबार नुवाकोटकी २८ वर्षीया सोमिका तामाङले ५ वटा शिशुलाई जन्म दिएकी हुन्। ५ मध्ये चार जना जीवित रहेको र १ जना भने जन्मनुअघि नै मृत्यु भइसकेको थियो।

    अस्पतालका स्त्री तथा प्रसूति रोग विशेषज्ञ डा. कृतिपाल सुवेदीको जानाकारी दिए। डा। सुवेदीको नेतृत्वमा शल्यक्रियामार्फत सोमबार बिहान मृतसहित ५ शिशुको जन्म भएको थियो। शल्यक्रियामा डा. सुवेदीलाई डा। दिप्ती श्रेष्ठ, डा नमिता सिङदेनले साथ दिएका थिए भने एनेस्थेसियामा डा मुकेश कुमारले नेतृत्व गरेका थिए।
    त्यस्तै, नर्सिङ टिमको नेतृत्व रविना प्रजापतीले गरेकी थिइन् भने बाल रोग विशेषज्ञ डा. श्रद्धा श्रेष्ठले बच्चाहरुको स्वास्थ्य अवस्था हेरिरहेकी छन्। शल्यक्रियामा संलग्न चिकित्सक डा. सुवेदीका अनुसार जीवित जन्मिएका ४ शिशुलाई आइसियुमा राखिएको छ। उनीहरू सबैको स्वास्थ्य सामान्य रहेको छ। ४ शिशुमध्ये एकको १ किलो ९ सय ग्राम तौल रहेको छ। अन्यको क्रमसः १ किलो ८ सय ग्राम, १ किलो ६ सय ग्राम र ८ सय ग्राम रहेको छ। जिवित चारै जना छोरी रहेको र मृत्यु भएका एक शिशु छोरा रहेको बताइएको छ।
    नेपालमा एकै महिलाले एकै पटकमा ५ बच्चा जन्माएको दुर्लभ केस हो । यस अघि चार जना सम्म जन्माएको रेकर्ड भएपनि पाँच जना शिशु जन्माउने पहिलो महिला भएकी छन ।

    फेसबुक प्रतिक्रिया
    सम्बन्धित शीर्षकहरु