असोज ३०, काठमाडौं । काठमाडौं वडा नं १ अन्तर्गत नन्दी रात्रि स्कुल परिसरमा आज ६० जना व्यक्तिहरुको कोरोना पिसीआर टेस्ट सम्पन्न भएको छ ।
विश्वभर फैलिएको कोरोना महामारी कोभिड —१९ को सन्दर्भमा कोरोना रोकथाममा महानगरको अभियान अन्तर्गत काठमाडौं महानगरपालिकाको विभिन्न वडाहरुमा सर्वसाधारणको निशुल्क परीक्षणहरु भइ रहेका छन । यसै सन्दर्भमा आज काठमाडौं वडा नं १ मा सर्वसाधारणको परीक्षण गरिएको हो ।
सो परीक्षणको क्रममा सर्वसाधारणहरुलाई सामाजिक दुरी सहित लाईनमा राखेर एक एक गरेर परीक्षण गरिएको महानगरपािलका शहरी स्वास्थ्य महाशाखाका हेल्थ एसिसटेन्ट ऋषि भुसाल बताउनु भयो ।
कोरोना रोकथाममा महानगरको अभियान अन्तर्गत अरु वडामा पनि नियमित पिसीआर परीक्षण गरिने काठमाडौं महानगरपालिका वडा नं १ का वडा सदस्य अशोक श्रेष्ठले बताउनु भयो ।
२०८१ मंसिर २८ - शुक्रबार
