• हस्पिटालिटी क्षेत्रमा उच्च कार्यदक्षताका कारण छोटो समयमा लामो छलाङ मार्दै –अन्जना

    न्यूजलाईन्स् मिडिया संवाददाता
    प्रकाशित मिति : ४ कार्तिक २०७७, मंगलवार ०८:०३

    आर.बी बुढाथोकी।

    बिज्ञान बिषयमा प्लस टु गर्दासम्म अन्जना खड्कालाई यो क्षेत्रमा लाग्छु नै भन्ने कुनै विश्वाश नै थिएन । ब्याचलरका लागि आफन्तसँग होटल म्यानेजमेन्ट कलेज हेर्न जाँदा जाँदै प्रभावित भएर उहाँलाई उतै तानेको मान्न सकिन्छ । सन् २००५ मा ब्यचलरका लागि आएसटी कलेजमा भर्ना हुनासाथ आफुले लक्ष्य यो क्षेत्र नरोजेको भएता पनि भविष्य उज्ज्वल छ भन्ने कुरा ठम्याइ सक्नु भएको थियो । त्यति बेलासम्म नेपालमा होटल व्यवस्थापन बिषय लिएर पढ्नेहरु अन्य बिषयका तुलनामा कमै थिए र उहाँको सोँचमा पनि मैले छिट्टै अवसर पाउने आशमा सन २००८ मा ग्राजुएसन सक्नु भयो । प्राय होटल व्यवस्थापनका कलेजहरुले नेपाल कै होटलहरुमा इन्ट्र्न गर्ने गरेकोमा मौकावश उहाँहरुको ब्याचबाट बिदेशमा गएर इन्ट्रन गर्ने अवसर पाउनु भयो । मलेसियामा इन्र्टन गर्ने क्रममा उहाले धेरै नयाँ नयाँ कुरा सिक्ने मौका पाउनु भयो । बिदेशबाट नेपाल फर्कन साथ उहाँको होटल व्यवस्थापन बिषयमा स्नातक पुरा हुनासाथ नेपालको सोल्टी क्राउन प्लाजा होटलमा १८ महिने म्यानेजमेन्ट ट्रेनिङमा सामेल हुनु भयो । ट्रेनिङ पुरा हुनासाथ सोही होटलमा एक्जुकेटिभ लेबलको क्वालिटी एन्ड कन्टिनस बिभागमा एसिस्टेन्ट म्यानेजरको रुपमा जागिर गर्न अर्को राम्रो अवसर नै उहाँका लागि करिअरको टर्निङ प्वइन्ट बन्न पुग्यो । होटलका सबै बिभागहरुमा समानन्वयन गरेर काम गर्नु पर्ने आफ्नो बिभाग भएका कारण उहाँले धेरै कुरा सिक्ने मौका पाउनु भयो । त्यसमा पनि सोल्टी क्राउन प्लाजा होटेज जस्तो अन्तरास्ट्रिय ब्रन्डमा आबद्द भएर काम गर्दा उहाँको आगामी करिएरका लागि अरु प्लस प्वइन्ट हुँदै गयो।

    निरन्तर आफ्नो काममा लगनशिलता र इमान्दारीका कारण एक पछी अर्को गर्दै अवसरहरु थपिदै गए र अचानक त्यही अबधीमा उहालै बेलायत जाने अबसर मिल्यो र त्यहाँ गएर पनि क्राउन प्लाजा लन्डनमा रिसेप्सन टिम मेम्बरका रुपमा काम गर्न थाल्नु भयो ।

    बिदेशमा काम गर्दा र स्वदेशमा काम गर्दाका भिन्नताको अनुभव पनि उहाँले लन्डनमा पुगेर छुट्याउनु भयो । विकसित देशमा गरिने कार्य शैली, त्यहाँको वातावरण,भाषा, भिन्न भिन्न देशका कामदारसँगको भेटका कारण उहाँले आफ्नो शिप र कला झन तिखार्दै लैजाने अबसर प्राप्त गर्दै जानु भयो । भाषा खासै अप्ठ्यारो नपरेता पनि सिधा रुपमा गेष्टसँग कुरा आदान प्रदान गर्न भने केही गाह्रो नै हुने अनुभव उहाँको छ । बिस्तारै बिस्तारै उहाको आफ्नो आत्मा विश्वास बढ्दै गयो र काम पनि सहज हुन थाल्यो । पछी पछी उहाँको कार्यदक्षताको मुल्याङ्कन पनि हुन थाल्यो र पहिलो नौ महिना मै एम्प्लोइ अफ द मन्थ हुन पुग्नु भयो।

    उहाँको क्रमिक रुपमा आत्माविश्वास बढ्दै जाँदा सहकर्मी साथीहरुले पनि उहाँलाई एक प्रतिशप्रदीको नजरले हेर्न थाले । बेलायत मै काम गर्दा गर्दै नेपाल फर्केर अस्टे«लिया या कुनै राम्रो देश जाने र यही क्षेत्रमा निरन्तर लाग्ने उहाँको सोच बन्यो र परिवार सहित नेपाल फर्कनु भयो । डेढ बर्ष काम गरेको अनुभब बटुलेर सन २०१३ मा नेपाल आए लगत्तै उहाको मनस्थिती परिवर्तन भयो र नेपाल मै केही गरौ भनी गेट कलेजमा एक्जुकेटिभ असिस्टेन्ट टु सिइओ भएर काम शुरु गर्नु भयो । उहाँको सालीन पन कार्य दक्षताका कारण एक पछी अर्को गर्दै खुड्किलो चढ्दै जान सफल हुनु भयो र उहालाई सोही कलेज प्रोग्राम म्यानेजरका रुपमा पदोउन्नती गरियो ।
    २ बर्ष गेट कलेजमा आफ्नो कार्यदक्षता पुरा गरेर उहाँले हायात होटलमा एसिस्टेन्ट ट्रेनिङ म्यानेजरको रुपमा काम गर्ने अर्को राम्रो अवसर पाउनु भयो । सो होटल पनि अन्तरास्टिय ब्राण्डको म्यानेजमेन्ट होटल भएका कारण उहाँले त्यहाँ पनि धेरै कुरा सिक्ने र सिकाउने कार्यमा सफल हुँदै फेरी सन २०१७ सोल्टी क्राउन प्लाजा होटलमा म्यानेजर लर्निङ एन्ड डेभलप्मेन्ट पदमा काम गर्ने राम्रो अवसर पाउनु भयो । एक पछी अर्को गर्दै उहाले पाउनु भएको क्रमिक जिम्मेवारीलाई सफलता पूर्वक पुरा गर्दै जानु भयो र उहाँको प्रशंसा पनि फिजिन थाल्यो । साउथ वेस्ट एसिया रिजनको ३८ होटलहरुका ५ महिलाहरु मध्येबाट भविष्यका लागि जेनरल म्यानेजरमा छानिनु भएपछी उहाँको एक सफल महिलाका रुपमा ब्रान्डमा चर्चा चुलिएको हो । सन २०१९मा शुरु भएको यो राइज प्रोग्राममा भाग लिएर एक नेपाली चेलीले छोटो समय पाएको यो हद सम्म सफलताले सबैलाई एक प्रेरणाको श्रोत मानेका छन । यो स्थान खाली नहुन्जेलका लागि उहाँलाई होटलले स्पेशल प्रोजेट म्यानेजर पद दिएर एक गहन जिम्मेवारी सुम्पेको छ र साथमा भबिस्यका लागि आबश्यक जेनेरल म्यानेजरको ट्रेनिङ पनि गर्दै हुनु हुन्छ । छोटो समयको यो लामो छलाङलाई सबैले एक चासोको बिषयमा लिएका छन र लगनशिल, संयम भएर आफ्नो जिम्मेवारीप्रती इमानदार साथ लागेमा सफलता धेरै टाढा छैन भन्ने आब्बल उदाहरण बन्न सफल हुनु भएको छ होटलिएर अन्जना खड्का । एक असल गृहिणी भएर घरका सम्पूर्ण कार्य सकेर एक कुसल ब्यबस्थापकिय ज्ञान भएका कारण उहाँले यो सफलता पाउनु भएको हो भन्नेमा कुनै दुई मत छैन । उहाँको यो कार्य दक्षता र निरन्तर लगनशिलता कारण मिलेको यो सफलताले नेपाली महिलाहरुले पनि अबसर पाए गहन रुपमा लिएर पुरा गर्न सक्छन भन्ने राम्रो उदाहरण बन्न सफल हुनु भएको छ अन्जना खड्का जसले भोलिका दिनहरुमा आउने महिलाहरुका लागि पनि ढोका खुलाई दिएको छ ।

    फेसबुक प्रतिक्रिया
    सम्बन्धित शीर्षकहरु